www.kaparama.blogspot.com

PINDA-HATA WANYAMA HAWAFANYI USHOGA.

2011-11-12T00:13:00.001+04:00

Mizengo Pinda

Waziri Mkuu Mizengo Pinda amezungumzia sakata la Uingereza kutishia kuinyima misaada Tanzania kama haitaruhusu ndoa za jinsia moja, akisema, "haiwezekani, kwa kuwa hata wanyama hawafanyi hivyo."

Alisema kama ilivyoelezwa na Waziri wa Mambo ya Nje na Ushirikiano wa Kimataifa, Bernard Membe, Tanzania ipo tayari kukosa misaada ya Uingereza iwapo kigezo cha kupata misaada hiyo, ni nchi kuruhusu ndoa za jinsia moja.

Waziri Mkuu Pinda alitoa kauli hiyo bungeni jana alipokuwa akijibu swali la Mbunge wa Viti Maalumu Chadema, Regia Mtema katika Kipindi cha Maswali ya Papo kwa Papo kwa Waziri Mkuu.

Katika swali lake hilo, Mtema alitaka kusikia kauli ya Serikali kuhusu msimamo huo wa Uingereza uliotolewa na Waziri wake Mkuu David Cameroon na kujua endapo Tanzania imeshaanza kujipanga kuikataa misaada ya nchi hiyo.

“Mheshimiwa Waziri Mkuu, hivi karibuni tumesikia Waziri Mkuu wa Uingereza David Cameroon akisema ili tupate misaada yao, tukubaliane na suala la ndoa za jinsia moja. Nini kauli ya Serikali? Je kama taifa, tumeshaanza kujipanga kuikataa misaada hiyo?,”alihoji Mtema.

Akijibu swali hilo Pinda alisema,"Kauli ya Serikali ilishatolewa na Waziri Membe mwenye dhamana na kurudiwa mara kadhaa na mawaziri wengine. Mimi sina kauli nyingine labda nitoe maoni yangu tu.”

Aliongeza; “Niseme tu kuwa mimi nakubaliana na msimamo huo wa Tanzania kwani, hata wanyama hawafanyi hivyo.”

JE,HAYA NI KWELI KUHUSU TEMBO?

2011-11-12T00:02:00.004+04:00

1.Tembo pamoja na ukubwa wake akitembea hana kishindo kabisa,miguu yake kwa chini ni kama ina sponji.

2.Tembo ana ukubwa wa tani 7.

3.Tembo jike hubeba mimba miaka 2

4.Tembo mtoto huzaliwa akiwa na kilo 80.

5.Chakula cha tembo kwa siku ni kilo 300 na maji lita 40.

6.Sehemu ya siri ya tembo dume ina kilo 27,kiasi kwamba ukimuona kwa nyuma wakati yupo katika faragha unaweza kuhisi ana miguu mitatu.

7.Ni moja kati ya wanyama ambao hawapendi kelele.

8.Umri wake wa kuishi ni miaka 60.

9.Tembo akitaka kufanya tendo la faragha basi hutumia masaa 12,masaa 6 ya mwanzo ni ya maandalizi na 6 yanayobaki ndio yakumalizia faragha yenyewe.

10.Tembo dume huwa na wanawake wawili mpaka wanne.

11.Anapomalizia faragha,basi tembo dume hutoa mbegu zenye ujazo wa lita tano.

AJALI ZAZIDI KUANGAMIZA WATANZANIA.

2011-11-11T23:43:00.001+04:00

Baadhi ya abiria wakimwangalia dereva wa Prado aliyefariki papo hapo baada ya ajali hiyo.

Basi la Sumry likiwa limeharibika vibaya baada ya ajali hiyo.

Majeruhi katika ajali hiyo wakijinasua kutoka kwenye basi la Sumry.

Picha za hapo juu zinaonesha ajali mbaya iliyotokea jana katika sehemu ya Mtandika, mbele kidogo ya hoteli maarufu ya Al Jazeera, mkoani Iringa, iliyohusisha basi la Sumry na gari aina ya Prado iliyokuwa ikiendeshwa na daktari bingwa wa macho katika hospitali ya Rufaa ya Mbeya.

Katika ajali hiyo daktari huyo alifariki papo hapo (kama inayoonekana katika picha ya kwanza),na katika basi hakuna aliyepoteza maisha licha ya majeraha madogo madogo. Dereva wa basi alikimbia baada ya ajali hiyo na hivi sasa anatafutwa na jeshi la polisi.

Chanzo cha ajali ni mwendo kasi ambapo dereva wa basi alikuwa akijaribu kulipita lori (ku-overtake) katika kona na kukutana uso kwa uso na gari hiyo aina ya Prado ambayo pia ilikuwa katika kasi.

MWALIMU WA KIKE ABAKA WANAFUNZI WAKE 11.

2011-11-11T23:35:00.000+04:00

Mwalimu Cindy Clifton

Mwalimu wa kike wa nchini Marekani mwenye umri wa miaka 41, anakabiliwa na kifungo cha kwenda jela miaka 60 kwa kosa la kufanya mapenzi na wanafunzi wake wa kiume 11 katika kipindi cha miezi mitatu.

Mwalimu Cindy Clifton mwenye umri wa miaka 41 anakabiliwa na kifungo cha muda mrefu jela kwa kosa la kuwanywesha pombe wanafunzi wake wa 11 wa kiume wenye umri kati ya miaka 14 na 17 na kisha kufanya nao mapenzi.

Taarifa ya televisheni ya ABC ilisema kuwa mwalimu huyo wa shule ya msingi ya Crestview Middle School aliwalewesha wanafunzi wake wakati wa sherehe alizoziandaa kwenye nyumba yake na kufanya nao mapenzi katika kipindi cha kuanzia aprili 11 hadi julai 15.

Mwalimu huyo aliyejizolea umaarufu katika shule hiyo kutokana na ufundishaji wake anakabiliwa na mashtaka ya kufanya mapenzi na watoto wenye umri mdogo usiofika miaka 18.

Miongoni mwa wanafunzi waliofanya mapenzi na mwalimu huyo, walikuwa ni marafiki wa binti wa mwalimu huyo.

Mwalimu huyo alifunguliwa mashtaka miezi mitatu baada ya kukamilika kwa uchunguzi wa polisi ulioanzishwa baada ya malalamiko mengi toka kwa wazazi.

"Uchunguzi wa polisi ulianza baada ya malalamiko ya wazazi ambao walilalamika watoto wao walinyeshwa pombe kwenye sherehe zilizoandaliwa na mwalimu Clifton", ilisema taarifa ya polisi.

Clifton amefunguliwa mashtaka 14 ya ubakaji na mashtaka 14 ya kuwanywesha pombe watoto.

Clifton ameachiwa kwa dhamana ya dola 40,000 na atapandishwa kizimbani tena Novemba 10. Huenda akahukumiwa miaka 60 jela iwapo atapatikana na hatia.

TANZANIA YAIUA CHAD KWAO,YAIPIGA 2-1.

2011-11-11T23:30:00.001+04:00

Kikosi cha timu ya Tanzania,Taifa Stars.

Magoli mawili yaliyofungwa na Mrisho Ngasa na Bakari Hamadi aliyeingia dakika 20 za mwisho wa mchezo, yalitosha kuiwezesha Tanzania kuibuka na ushindi dhidi ya Chad kwenye mechi iliyochezwa leo jioni mjini N'Djamena, nchini Chad kuwania nafasi ya kwenda Brazili kwenye fainali za kombe la dunia.

Goli lilofungwa na Bakari Hamadi kwenye dakika ya 80 limeiwezesha Tanzania kuibuka kidedea kwa kuilaza Chad kwenye uwanja wake wa Stade Omnisports Idriss Mahamat Ouya.

Bakari aliingia uwanjani kipindi cha pili kwenye dakika ya 70 akichukua nafasi ya Abdi Kassim.

Mrisho Ngasa ndiye aliyewanyanyua Watanzania kwa kuliona lango la Chad kwa goli lililofungwa kwenye dakika ya 11 lakini Chad walijibu mapigo kwa kusawazisha bao hilo dakika moja baadae kupitia kwa Ahmat Labo.

Kocha Jan Poulsen wa Tanzania alishusha kikosi hichi kilichoibuka na ushindi.

Juma Kaseja, Juma Nyoso, Aggrey Morris, Mrisho Ngasa,Thomas Universe, Abdi Kassim, Godfrey Taita, Idrissa Rajabu, Nizzar Khalfan,Juma Jabu na Hassan Shabani. Kwenye Benchi kulikuwa na Shomari Kapombe, Bakari Hamadi, Athumani Iddy na Ally Mwandini.

YALIYOJIRI MBEYA LEO KATI YA POLISI NA WAFANYABIASHARA.

2011-11-11T23:20:00.000+04:00

Baadhi ya wamachinga wakiwa wamelipindua gari yaina ya toyota na kusimama juu yake huku wakitamka maneno makali kwa polisi na jiji la mbeya kwa kuwanyanyasa katika biashara zao

Moja ya mabango waliyobeba wamachinga hao

Wamachinga wakiwazomea polisi eneo la kabwe

Maduka yote eneo la mwanjelwa mpaka uyole yamefungwa

Moja ya gari lililobinuliwa na kuwekwa katikati ya barabara ya mbeya tunduma

Huu ndiyo mtaa wengi huuita mtaa wa kasisi uliyosababisha vurugu zote kati ya wamachinga na askari wa jiji

Mmachinga akiwarushia jiwe kwa kutumia manati yaani ni hatari tupu

Askari wa kutuliza fujo naye akiwarushia bomu la machozi wamachinga wanaoandamana

Naye mwandishi wetu wa mbeya yetu Joseph Mwaisango alionja joto ya jiwe baada ya kutupwa ndani ya gari ya polisi kwa kosa la kupiga picha matukio hayo ya wamachinga na polisi baadaye aliachiwa na kuendelea na kazi yake

RISASI ZA MOTO NAZO ZIMETUMIKA KATIKA TUKUKIO HILI

MABOMU YA MACHOZI NDIYO USISEME KILA MAHALI YAMETAPAKAA

Mwenye kofia haya mwenye supu haya kila mmoja alikua anaokoa uhai wake

Hayo ndiyo maandishi yaliyoandikwa barabarani

majeruhi wa risasi za polisi katika vurugu za Mwanjelwa leo

hii akiwa kapigwa kichwani. Hadi sasa kuna majeruhi wanne

wa risasi, wawili kichwani, mmoja kwenye paja na mwingine mkononi

Mmoja wa majeruhi wa risasi za polisi katika vurugu za Mwanjelwa leo, Abel Mwalukali akipatiwa matibabu katika Hospitali ya Rufaa Mbeya baada ya kupigwa risasi kwenye mkono.

Hali Hlisi ya Machafuko

Polisi wakijaribu Kutuliza Ghasia eneo la tukio dhidi ya Wamachinga

Wananchi wakikimbia kuokoa Maisha yao

Mbio dhidi ya Machafuko

ORIJINO KOMEDI-NDOA NDOANO PART3

2011-07-20T12:58:00.000+04:00

ORIJINO KOMEDI-NDOA NDOANO PART2

2011-07-20T12:57:00.001+04:00

ORIJINO KOMEDI-NDOA NDOANO PART1

2011-07-20T12:57:00.000+04:00

UPINZANI WATAKA ELIMU YA MSINGI IWE MIAKA 9 AU 10

2011-07-20T12:52:00.001+04:00

Waziri Kivuli wa Wizara ya Elimu na Mafunzo ya Ufundi, Bi. Christowaja Mtinda(CHADEMA)

Kambi ya Upinzani Bungeni imeishauri serikali kuongeza muda wa elimu ya shule ya msingi kutoka miaka saba ya sasa hadi kufikia miaka tisa au kumi.Mbali na hilo, imeshauri mfumo wa elimu ya sekondari ufanyiwe mabadiliko kutoka miaka sita ya sasa kuwa miaka minne kwa kuunganisha mitaala ya vidato vya tatu, nne,tano na sita kuwa mtaala mmoja wa elimu ya sekondari.

Mapendekezo hayo yalitolewa na Waziri Kivuli wa Wizara ya Elimu na Mafunzo ya Ufundi, Bi. Christowaja Mtinda, wakati akiwasilisha bajeti ya upinzani kwa wizara hiyo kwa mwaka wa 2011/2012.

Alisema ikiwa utaratibu huo utakubaliwa watoto watamaliza shule wakiwa na umri wa miaka 15 na 17, umri unaomwezesha kijana kukaribia kuanza maisha ya kazi.

“Utaratibu huu utaenda sambamba na mpango unaoendelea wa Nchi za Jumuiya ya Afrika Mashariki kuhuisha mfumo wa mitaala ili iweze kufanana, hivyo kuwa na elimu inayofanana na hadi sasa ripoti ya awali imeshawasilishwa wizarani,”alisema.

Bi.Mtinda alisema kambi hiyo imeshauri mitaala ya elimu ya msingi upanuliwe kwa kuingiza muhtasari wa kidato cha kwanza na cha pili.

Alisema kuwa mtaala huo ukipanuliwa utawapatia vijana wa kike stadi za kuweza kujikinga na tatizo la kuanza ngono katika umri mdogo , hivyo kupunguza au kumaliza
kabisa tatizo la mimba za utotoni.

Kambi hiyo ilipendekeza utoaji wa chakula cha mchana mashuleni ili kukabiliana na wimbi la utoro na tabia ya wanafunzi kusinzia darasani.

Kwa upande wa elimu ya sekondari alisema Ilani ya uchaguzi ya CCM ya mwaka 2005/2010 na ya mwaka 2010/2015 ilitamka wazi kuwa serikali itajenga vyuo vya VETA kwa kila wilaya nchini, lakini cha kushangaza ni kuwa ahadi hiyo mpaka sasa bado
haijatekelezwa.

MIKOPO KWA WANAFUNZI WA ELIMU YA JUU YAONGEZWA.

2011-07-20T12:45:00.000+04:00

-WANAOSOMA MASTERS NA PHD NAO KUANZA KUPEWA MIKOPO

Waziri wa Elimu na Mafunzo ya Ufundi, Dkt. Shukuru Kawambwa

Serikali imeongeza kiwango cha posho kwa wanafunzi wa elimu ya juu kutoka sh. 5,000 za awali, hadi kufikia sh. 7,500 katika mwaka huu wa fedha 2011/2012.Hayo yalisemwa jana mjini Dodoma Bungeni na Waziri wa Elimu na Mafunzo ya Ufundi, Dkt. Shukuru Kawambwa alipokuwa akisoma Makadirio na Matumizi ya Fedha kwa mwaka 2011/2012 kwa wizara hiyo.

Dkt. Kawambwa alisema pamoja na ongezeko hilo la posho, pia Bodi ya Mikopo kwa Wanafunzi wa Elimu ya Juu, itatoa mikopo kwa wanafunzi 91,568 wa elimu ya juu wa mwaka wa kwanza na wale wanaoendelea na masomo,na kwa wanafunzi wanaosoma shahada za uzamili(POSTGRADUATES/MASTERS) na uzamivu(PHD).

Alisema kuwa wataimarisha utoaji na urejeshaji mikopo kwa kuoainisha taarifa za wakopeshwaji na zile za Tume ya Vyuo Vikuu na Baraza la Mitihani na Mamlaka ya Vitambulisho vya Taifa ikiwa ni pamoja na kusogeza huduma za utoaji wa mikopo karibu na wananchi kwa kuanzisha ofisi za kanda visiwani Zanzibar.

SERIKALI IPO KITANZINI.

2011-07-20T12:36:00.000+04:00

Rais Kikwete

Wakati umma wa Watanzania ukisubiri hatua zitakazochukuliwa na Rais Jakaya Kikwete dhidi ya Katibu Mkuu wa Wizara ya Nishati na Madini, David Jairo, Kamati ya Bunge ya Mashirika ya Umma (POAC) inakusudia kuchukua hatua za kufuatilia fedha zote zilizotolewa na mashirika ya umma kwa kigezo cha kusaidia kupitisha bajeti.

Habari ambazo zilipatikana jana na kuthibItishwa na Mwenyekiti wa POAC, Zitto Kabwe zinasema kwamba hatua hiyo inalenga kubaini kiasi cha fedha ambacho Wizara za Serikali zimekuwa zikidai kutoka katika idara na taasisi zilizoko chini yake kwa kigezo kwamba fedha hizo zinatakiwa kusadia kupitisha bajeti.

Akithibitisha taarifa hizo, Zitto alisema; "Tunapaswa kufanya uchunguzi ili kubaini kiasi cha fedha za umma ambazo zimetumika katika kipindi cha miaka mitatu iliyopita, maana kuna uwezekano kwamba huu ndio mchezo ambao umekuwa ukifanywa na wizara zetu hizi".

Tuhuma zinazomkabili Jairo
Jairo anakabiliwa na tuhuma za kuwaandikia barua wakuu wa idara zote zilizoko chini ya wizara yake, ili watoe fedha kwa ajili ya kusaidia kupitishwa kwa bajeti ya wizara hiyo, fedha ambazo zinatafsiriwa kwamba zilikuwa ni kwa lengo la kutoa rushwa.

Mbunge wa Kilindi (CCM), Beatrice Shellukindo ndiye aliyemlipua Jairo Bungeni juzi kwamba amekusanya kiasi cha Sh1 bilioni kutoka taasisi 21 zilizopo chini ya Wizara yake na kwamba fedha hizo hazina maelezo.

Shellukindo aliendelea kusema kuwa barua hiyo inaonyesha kuwa kila idara na taasisi hizo ziliagizwa kuingiza kiasi cha Sh50 milioni kila moja kwenye akaunti namba 5051000068 inayomilikiwa na Geological Survey of Tanzania (GST) (Taasisi ya Utafiti wa Jiojia) iliyopo kwenye benki ya NMB, tawi la Dodoma.

Taarifa ambazo ziilizipatikana bungeni juzi zilidai kwamba mara baada ya Shellukindo kurusha kombora hilo, Waziri Mkuu, Mizengo Pinda aliagiza kutafutwa kwa taarifa za akaunti husika, na kwamba katika muda mfupi ilithibika kwamba fedha hizo ziliingizwa kisha kutolewa.

Hata hivyo haikiwekwa bayana kiasi halisi cha fedha zilizoingizwa na idara hizo na siku ambayo zilichukuliwa.

Akizungumza wakati wa kuondoa hotuba ya makadirio ya Wizara ya Nishati na Madini bungeni juzi jioni baada ya bajeti hiyo kukataliwa na wabunge, Pinda alisema alikuwa akifanya utaratibu wa kuwasiliana na Rais Kikwete aliyekuwa safarini Afrika Kusini ili kupata ridhaa ya kuchukua hatua dhidi ya Jairo.

"Kikwazo pekee nilichokipata ni kwa sababu Rais hajatua South Africa (Afrika Kusini) na mwenye mamlaka ya kuteua Makatibu Wakuu ni Rais mwenyewe. Nikatamani sana nije hapa mimi niwaambieni nimeishachukua hatua, nimeamua hivi. Lakini, nikaambiwa utakuwa unaingia katika maeneo ambayo si ya kwako,"alisema Pinda na kuongeza:

"......kwa hiyo, kwa hili, naomba niwaombe Waheshimiwa Wabunge, kwa dhati kabisa, kwamba kwa sababu sina mamlaka juu ya mtu huyu ya kumtimua kazi leo au kumwambia ondoka, mwenye mamlaka ni Rais mwenyewe, kwa hili mnipe baraka zenu, akifika South Africa, jioni ya leo mimi nitawasilisha maelezo haya kwake".

Kwa mujibu wa Pinda, tuhuma dhidi ya Jairo si jambo ambalo halina maelezo kwani liko dokezo lililioloandikwa na kusomwa bungeni ambalo linathibitisha kwamba Katibu huyo wa zamani wa Rais Kikwete ana hatia.

JA RULE ATUPWA JELA MIEZI 28

2011-07-20T12:28:00.001+04:00

Mwanamuziki maarufu wa Hip-Hop wa Marekani, Ja Rule

Mwanamuziki maarufu wa nchini Marekani, Ja Rule amehukumiwa kutumikia kifungo cha miezi 28 jela kwa kukwepa kulipa kodi.

Ja Rule,ambaye hivi sasa yupo jela akitumikia kifungo cha miaka miwili baada ya kukamatwa akiwa na bunduki kinyume cha sheria, ameongezewa adhabu nyingine ya miezi 28 kwa kosa la kukwepa kodi.

Ja Rule ambaye alitamba sana na albamu yake ya mwaka 2002 ya "Pain is Love", alihukumiwa kwenda jela baada ya kupatikana na hatia ya kukwepa kulipa kodi kwa miaka mitano kuanzia mwaka 2004-2008.

Ja Rule alikubali kulipa zaidi ya dola milioni 1.1 katika kodi anayodaiwa pamoja na faini.

Aliruhusiwa kutumia kifungo chake cha miezi 28 sambamba na kifungo chake cha sasa hali ambayo itamfanya atumikie miezi tano zaidi jela baada ya kifungo chake cha sasa kumalizika.

Ja Rule ambaye jina lake halisi ni Jeffrey Atkins, alitupwa jela mwezi juni mwaka huu baada ya kukamatwa akiwa na bunduki kinyume cha sheria wakati alipokuwa akitoka kwenye shoo ya muziki mjini Manhattan ambapo alipafomu kwenye shoo hiyo sambamba na rapa Lil Wayne ambaye naye alikamatwa na bunduki katika tukio jingine tofauti na kupelekea atumikie muda mwingi wa mwaka 2010 jela.

ORIJINO KOMEDI-MZIBUAJI MKUU JIJINI DAR

2011-06-23T14:20:00.000+04:00

AINGIA MATATANI BAADA YA KUIBA MABOKSI YA NDOMU KWENYE GUEST HOUSE.

2011-06-22T19:43:00.001+04:00

Kijana mmoja aliyefahamika kwa jina moja la Jackson [miaka 22] mkaazi wa Manzese, amejikuta akiwa katika wakati mgumu baada ya kufanya wizi kuiba mipira ya kiume ’kondom’ boksi tatu alizozikuta katika moja ya chumba cha nyumba ya kulala wageni iitwayo Moe Guest House.

Kijana huyo inadaiwa wiki tatu zilizopita alipata tenda ya kufanya usafi katika nyumba hiyo ikiwa ni ombi lake alilopeleka la kujiingizia kipato cha kila siku ili aweze kunyikwamua kiuchumi

Juzi imedaiwa kuwa mmoja wa wahudumu waliokuwa zamu katika nyumba hiyo akiwa katika matayarisho ya kuandaa vyumba alidaiwa kumuuliza mfanya usafi huyo kuwa hazioni bidhaa hizo pale sehemu wanapoweka, na mfanya usafi huyo alikana na kudai hakuona maboksi hayo ya mipira hiyo inayosemekana kuzuia maambukizi dhidi ya maradhi ya Ukimwi na mengine kadhaa ya zinaa.

Hata hivyo kwa kuwa ni utaratibu wa nyumba hiyo kuandaa mipira hiyo katika kila chumba ikiwa ni kuwajali wateja wao, muhudumu huyo alidaiwa kuripoti tukio hilo kwa mkuu wao wa kazi kuwa haoni mipira hiyo ya wateja.

Hivyo mkuu huyo wa kazi katika nyumba hiyo ilidaiwa kumbana mfanya usafi huyo ili aeleze kama alihamisha mipira hiyo ama la.

Hata hivyo awali kijana huyo alikuwa akijiuma uma na kudai hakuhusika na wizi huo na alivyozidi kubanwa na kutishiwa kufukuzwa kazi kijana huyo alikiri kufanya wizi wa mipira hiyo na kuomba msamaha kwa mkuu wake huyo wa kazi na kudai angeweza kurudisha kwa kuwa alimuuzia muuza duka ambaye alikuwa akimfahamu.Alisema,alikuwa alishawasilisha maboksi mawili ya mipira hiyo kwa kumuuzia kwa bei nafuu na boksi moja alikuwa katika matayarisho ya kulichukua na kumuuzia tena mwenye duka hilo.

Kutokana na kauli yake hiyo mkuu huyo wa kazi hakuwa na uvumilivu na kuanza kumpa kichapo kikali huku akipiga mayowe ya wizi hali iliyoshangaza wapita njia.

Mkuu huyo alizidi kumpa tuhuma kijana huyo kuwa alikuwa akitaka kuharibu biashara katika nyumba hiyo ya kulala wageni kwa kuwa wateja wao walishazoea kukuta mipira hiyo na kujizolea wateja lukuki kutokana na huduma hiyo.

“Unataka nifukuzwe kazi, kwa ujinga wako, lazima nikupeleke kituo cha polisi ili upate adabu” alilalama msimamizi mkuu wa wahudumu hao

Hadi shuhuda wetu anaondoka eneo la tukio hilo aliacha kutopatikana kwa maelewano kati yao na kijana huyo kutakiwa aonyeshe duka alipouza mipira hiyo kwa kuwa imedaiwa mipira hiyo ni ya gharama kidogo tofauti na ile inayouzwa kwa shilingi mia 100,kwani hiyo inadaiwa kupatikana kwa shilingi elfu 3,000 kwa kila pakti moja.

MAMA ATOA RADHI KWA MWANAWE HADHARANI.

2011-06-22T17:13:00.000+04:00

Katika hali ambayo iliwaacha watu wengi wakiwa hawaamini macho yao mama amwenye miaka 51 amejikuta akisaula nguo zake zote na kutoa radhi hadharani kwa mwanae wa kike aliyefahamika kwa jina moja la Feti [miaka 22] kwa kile kilichodaiwa kuchoshwa na tabia zake.

Tukio hilo la aina yake lilitokea jana majira ya jioni huko maeneo ya Buguruni Mnyamani ambapo imedaiwa mama huyo alichoshwa na vitendo vinavyofanywa na mwanae huyo ambavyo vilikuwa havimridhishi.

Mashuhuda wa tukio hilo walidai kuwa, mama huyo jana majira ya jioni aliamua kumtolea uvivu mwanae huyo kwa kusaula viwalo alivyokuwa amevaa akiwa na lengo la kumtolea radhi.

Awali imedaiwa kuwa Feti alikuwa na tabia za kufanya matendo maovu yanayodaiwa yanaenda sambamba na ukahaba ambapo mama huyo imedaiwa alikuwa akimpigia kelele kila kukicha mwanae huyo ambaye alikuwa hataki kufuata yale anayoambiwa.

Pia imedaiwa kuwa Feti amekuwa na tabia za kugombana na wake za watu ikiwa ni pamoja na kufumaniwa na waume za watu mara kwa mara katika mtaa anaoishi hali iliyopelekea kuidhalilisha familia yake.

Hata hivyo kutokana na vitendo na tabia chafu za Feti, mama huyo alijitoa kimasomaso kumlaani mwanae huyo jana wakati binti yake huyo alipokuwa katika matayarisho ya kutoka safari zake za usiku.

Ilidaiwa na shuhuda wa tukio hilo kuwa mama huyo alianza hivi, "Yaani ukitoka tu hapa ndani kwenda katika biashara zako za kishenzi naomba ugongwe na gari ufe papohapo” hata hivyo imediwa kuwa Feti hakutishika na kauli hizo na alitoka kinguvu na mama huyo alianza kulia kwa uchungu na kuanza kusaula viwalo alivyokuwa amevaa huku akishikwa na baadhi ya majirani zake waliomsihi kuacha kufanya hivyo huku Feti akitimua mbio na kutokomea kusikojulikana.

Hata hivyo imedaiwa kuwa msichana huyo alikwenda kuomba hifadhi nyumba ya jirani kutokana na aibu aliyoipata kutoka kwa mama yake huyo.

ORIJINO KOMEDI-DAWA YA MAPENZI

2011-06-15T20:26:00.000+04:00

WANAFUNZI 400 WATIMULIWA UDOM

2011-06-15T20:23:00.000+04:00

Siku moja baada ya serikali kutangaza kukubali kuwalipa posho ya mafunzo kwa vitendo wanafunzi wa Chuo Kikuu cha Dodoma (UDOM), uongozi wa chuo hicho umewatimua wanafunzi takriban 400 kwa kuchochea mgomo.

Hatua hiyo ilifikiwa jana saa 10 jioni baada ya uongozi wa chuo hicho kudai kubaini njama za wanafunzi hao kushawishi wenzao kufanya mgomo kutaka kuvuruga ratiba ya mitihani kuanzia Juni 20, kuwapiga wenzao, na kuvunja mlango wa darasa la kitivo cha sayansi asilia.

Wakizungumza kutoka chuoni hapo jana, baadhi ya wanafunzi walisema hali ni tete katika eneo hilo na kwamba waliofukuzwa sasa wamekuwa mwiba mkali kwa wenzao huku wakizuia daladala kufika katika eneo hilo kwa madai kuwa ingewezesha kuwaondoa wakati wakitaka washinikize serikali kuwasikiliza kwanza.

Makamu Mkuu wa Chuo hicho, Profesa Idris Kikula, alisema wamefikia hatua ya kuwafukuza wanafunzi hao ambao wengi wao ni wa mwaka wa pili wanaochukua kosi ya Ushirikiano wa Kimataifa kutokana na kuonekana kuwa vinara wa mgomo.

"Haya mambo ya kuwapiga wenzao, kutaka kuchochea vurugu wamenza tangu mchana, wameng'oa miti tuliyopanda hapa chuoni, wanawapiga wenzao wanaoingia darasani na wamevunja mlango wa darasa.

Hatuwezi kuacha kufanya fujo hivi katika eneo la taaluma, lakini kibaya zaidi serikali imeshatoa tamko, serikali ilinituma mimi jana usiku na kueleza kuwa imekubali itatoa fedha kwa ajili ya mafunzo kwa vitendo na kwao hapa UDOM ni special case (suala mahususi), lakini hawakusikiliza," alisema Prof. Kikula.

Alisema juzi usiku alifanya mazungunzo na viongzoi wa wanafunzi hao na kuwaomba wakawajulishe wenzao huku wakishinikiza Waziri wa Elimu, Dkt. Shukuru Kawambwa kutoa majibu hayo mbele ya wanafunzi wote huku dalili zikionyesha si salama.

"Mhe Dkt. Kawambwa alikuja akazungumza na viongozi wa wanafunzi na tukawapa taarifa kwamba pelekeni ujumbe kwamba serikali imekubali, sisi baada ya kuona watu wanapigwa hatuwezi kuruhusu hali kama hiyo na wale vinara tunawaondoa, ni wale wa mwaka wa pili wa International Relation, wote waliokamatwa na polisi jana (juzi) wakiandamana, walivunja sheria na wote waliochochea, tumewaondoa jumla yao kama 400 hivi," alisema Prof. Kikula.

MY GOD!!!!! KWELI DUNIA SASA IMEKWISHA.

2011-06-15T20:02:00.007+04:00

Wakazi wa eneo la Kigogo Dar es Salaam wiki iliyopita walishuhudia tukio ambalo hawajawahi kuona katika maisha yao.Katika tukio hilo binti wa hapo mtaani alikutwa katika jumba ambalo halijaisha akimbaka mtoto wa kiume mwenye miaka miwili na nusu.

Mtoto huyo alikuwa akicheza nyumbani kwao lakini akatoweka ghafla,hadi pale mama yake aliposhtuka na kuanza kumtafuta.Katika kutafuta tafuta akaingia kwenye hilo jumba na kumkuta mdada akiwa amevua nguo zote amemlaza mtoto huyo chini yeye akiwa amemkalia kwa juu huku akikata mauno kama yupo na mwanaume mkubwa na sauti za utamu juu.
Mama akapigwa na butwaa akakimbilia kuita majirani ili waone jambo lile na hapo ndio wakamkamata msichana huyo na kumpeleka polisi.Mtoto alikutwa kalala kalegea hana nguvu huku nguo zake zikiwa zimeloa.
Picha hii ikimuonesha mtoto huyo akicheza bila kuelewi kinachoendelea huku watu wakiwa wamemzingira(sijatoa picha ya kumuonyesha uso wake)

Kwenye hiyo nyumba tukio lilipotokea.

Watoto wenzake hawakubaki nyuma kushangaa

Hapa ndio alipokutwa amemlaza mtoto na kumfanyia hilo tendo la ngono.

Binti huyo kwa sasa yupo segerea na atasimama mahakamani baada ya upelelezi kukamilika.Pia mtoto naye alipelekwa hospitali ya Amana kufanyiwa vipimo kama ameambukizwa ugonjwa wowote,na kwa mujibu wa daktari amesema kipimo kikubwa cha HIV ni mpaka ipite miezi mitatu ila kwa sasa hana tatizo lolote.

VIDEO-KWELI POMBE SI MAJI

2011-06-15T19:43:00.000+04:00

Kweli pombe si maji na unapoiendekeza basi inaweza kukuaibisha kama sio kukutoa roho kabisa.

Mwanaume mmoja wa nchini Uingereza anayekadiriwa kuwa na umri wa miaka 40,ambaye alikuwa miongoni mwa watu wachache waliopata nafasi ya kualikwa kwenye sherehe ya kugawa tuzo za sanaa kwenye hoteli ya kifahari ya watu matajiri ya Savoy iliyopo jijini London,alikuwa kituko baada ya kufakamia pombe kupita kiasi.

Akiwa ameulamba vizuri na tai yake,mwanaume huyo alitolewa nje ya ukumbi baada ya kudondoka chini kwasababu ya pombe mbele ya mgeni wa heshima.

Safari ya kurudi nyumbani kwake iliyorekodiwa na kamera za ulinzi CCTV za jijini London, imemfanya mwanaume huyo ambaye jina lake bado halijapatikana awe maarufu kuliko walevi wote duniani.

Mwanaume huyo alidondoka na kujipigiza kichwa chini miguu juu wakati akishuka chini kwenye ngazi.

Aliendelea na safari yake huku akidondoka na kujipigiza kwenye vitu mbalimbali kuanzia mistimu ya simu mpaka kwenye viambaza vya barabara.

Safari yake yote ilirekodiwa na kamera za ulinzi barabarani, video ikimuonyesha jinsi alivyokuwa akianguka chini na kujipigiza kwenye vitu mbalimbali.

Kwa bahati nzuri, mwanaume huyo hakuvunjika kiuno, shingo wala mikono yake katika safari yake hiyo ya kuelekea kwake.

Ilimchukua siku 10 mlevi huyo kuweza kukumbuka amepoteza wapi waleti yake na jaketi lake. Alirudi kwenye hoteli ya Savoy kuulizia kama wameiona waleti yake lakini kwa bahati mbaya haikupatikana.

Shikilia mbavu zako vizuri kabla ya kuangalia video hii chini.

DROGBA AJIPATIA JIKO.

2011-06-15T19:26:00.000+04:00

Drogba na mkewe Lalla Diakite

Baada ya kuishi na mpenzi wake kwa muda mrefu, nyota wa soka wa Chelsea na Ivory Coast, Didier Drogba amefunga pingu ya maisha na mpenzi wake katika harusi ya kukata na shoka ambayo masupastaa wa R&B, wacheza soka na nyota wa NBA walihudhuria.

Mfumania nyavu wa Chelsea, Didier Drogba ameamua kumuoa mpenzi wake wa muda mrefu ambaye amezaa naye watoto watatu kwa kufunga ndoa ambayo sherehe yake ilihudhuriwa na masupastaa mbalimbali.

Drogba mwenye umri wa miaka 33, alifunga ndoa na mama watoto wake, Lalla Diakite mjini Monaco, Ufaransa.

Mmiliki wa Chelsea, bilionea Roman Abramovich ndiye aliyeiongoza harusi hiyo huku Salomon Kalou na Florent Malouda wakiwa wapambe wa bwana harusi.

Nyota wa RnB, Akon na masupastaa wa mpira wa kikapu wa NBA walikuwa miongoni mwa wageni waalikwa katika harusi hiyo.

Fally Ipupa toka Jamhuri ya Kongo naye alikuwepo kwenye harusi hiyo sambamba na nyota wa muziki wa Nigeria, J Martins ambaye alipewa usafiri wa bure na Drogba ili aweze kupafomu na Ipupa wimbo wake wa Jupa Remix.

Michael Essien naye alitia maguu kwenye harusi hiyo baada ya kupanda pipa toka Nigeria ambako alishiriki mechi maalumu pamoja na mastaa mbalimbali wa soka duniani kumuaga rasmi Nwako Kanu ambaye amestaafu soka rasmi baada ya miaka 16 ya kulisakaka kabumbu kimataifa.

SUGU AISHANGAA SERIKALI KUHUSU SANAA.

2011-06-15T19:22:00.000+04:00

Mbunge wa Mbeya Mjini, Joseph Mbilinyi, maarufu kama Mr II au Sugu, amesema serikali imeshindwa kutumia sanaa kama moja ya njia za kuongeza pato la taifa.

Mbilinyi aliyasema hayo jana katika mkutano wa 10 wa Bunge, alipokuwa akichangia hoja katika mpango wa wa maendeleo wa miaka mitano.

Kwa mujibu wa Mbilinyi, serikali imekuwa haiweki mkazo wa kutosha katika kukuza sanaa na kuwasaidia wasanii, ndiyo maana eneo hilo ambalo lina uwezo mkubwa wa kuchangia pato la taifa, limekuwa likionekana kama halina mchango kwa uchumi wa nchi.

Pale Amerika, Hollywood, Los Angeles ni mali ya mtu binafsi hakuna mtu anayeweza kuigusa wala kufanya kitu chochote, Wamarekani wote wanaiangalia kwa umakini mkubwa kwa sababu wanajua inamchango mkubwa kwa uchumi, eneo lile pekee linachangia asilimia 24 ya pato la taifa, alieleza.

Kutokana na hali hiyo, Sugu alisema kwamba, wizara inayoshughulika na mambo ya kuendeleaza vijana na wasanii ni bora ifutwe kwa kuwa imeshindwa kutimiza jukumu lake la msingi.

Wizara inamlundikano wa watu, mara Waziri, Naibu waziri katibu mkuu na wengine chungu nzima, bora hawa wapunguzwe ili fedha za wizara zipelekwe kwenye kusaidia wasanii siyo kuishia katika uendeshaji tu, alisema Sugu.

Rais anasema kuwa, ametoa vifaa kwa ajili ya studio ya wasanii, ametoa jengo la hiyo studio kwa ajili ya wasanii, alafu waziri anakuja kusema hivyo vitu vimetolewa kwa ajili ya mtu aliyeomba na siyo kwa asili ya wasanii, sasa hii ina maana gani.

Kwa mujibu wa Sugu, takribani asilimia 90 ya fedha za Wizara ya Habari Vijana, Utamaduni na Michezo zinatumika kwa ajili ya uendeshaji wa wizara badala ya kusaidia vijana.

INASIKITISHA SANA-MWANAFUNZI ACHINJWA KAMA KUKU

2011-06-15T19:14:00.000+04:00

HOFU imetenda kwenye Shule ya Msingi Living stone ya mchepuo wa Kiingereza, wilayani Njombe, baada ya mwanafunzi Doris Lutego (12), aliyetekwa ndani ya bweni wiki iliyopita kukutwa ameuawa kwa kuchinjwa kama kuku, mwili wake kutenganishwa kichwa na kiwiliwili.

Mauaji ya mwanafunzi huyo yametokea siku chache baada ya polisi kutoa taarifa ya kutoweka kwa mwanafunzi huyo, kutokana na watu wasiojulikana kumteka ndani ya bweni.Kamanda wa Polisi Mkoa wa Iringa, Evarist Mangalla, alisema mwili huo uliokotwa Juni 13, mwaka huu majira ya asubuhi, kichwa kilikutwa kimetupwa Mtaa wa Nzerengete, huku kikiwa kimewekwa kwenye mkoba wa daftari wa mwanafunzi huyo.

Mangala alisema kiwiliwili chake kilikutwa kimewekwa kwenye genge la biashara lililopo karibu na makazi ya Mwenyekiti wa Kitongoji cha Kambarage, kilomita 10 kutoka eneo la shule hiyo.

Awali, ilidaiwa mwanafunzi huyo alitekwa na watu wasiojulikana akiwa amelala baada ya kuvamia bweni la wasichana Juni 12, mwaka huu majira ya usiku na kutoweka naye, huku wakiacha jino na damu kwenye bweni.
Kutokana na uchunguzi wa polisi, watu watatu wanashikiliwa kwa tuhuma za kuhusika na mauaji hayo.
Alitaja wanaoshikiliwa kuwa, wote ni wakazi wa Njombe, mkoani Iringa.

Mangala alisema polisi inafanya uchunguzi wa kina kujua sababu za mauaji hayo ya kinyama, hasa yakishusisha mwanafunzi ambaye uchunguzi wa mwili wa marehemu unaonyesha kabla ya kuuawa, alipigwa na kitu kizito kichwani.

Mkuu wa Wilaya ya Njombe, Sara Dumba, alisikitishwa na hali hiyo ambayo imesababisha hofu kwa wanafunzi wa shule hiyo na kwamba, wananchi wanapaswa kutulia wakati polisi wakiendelea na msako kubaini wahusika.
“Serikali imesikitishwa na mauji haya ya kinyama, ninachoomba wananchi wawe watulivu kwa wakati huu polisi wanafanya uchunguzi kubaini wahusika ili hatua za kisheria zichukuliwe,” alisema Dumba.

Baadhi ya wananchi walitaka serikali kuhakikisha usalama wa shule zote ambazo zimekuwa zikiweka bwenini wanafunzi, ili kuepusha matukio ya mauaji.Augustino Wikesi, alisema kama shule hizo zingekuwa na ulinzi wa kutosha, mwanafunzi huyo asigetekwa usiku.

ORIJINO KOMEDI-SAKATA LA MZEE NA KIBURUDISHO CHAKE

2011-05-24T23:49:00.000+04:00

ORIJINO KOMEDI

2011-05-17T23:43:00.001+04:00

Ze COMEDY YA EATV

2011-05-17T23:42:00.000+04:00

JINSI PICHA YA OSAMA FEKI ILIVYOTENGENEZWA.

2011-05-05T13:29:00.002+04:00

MKE AMFIKISHA MUME MAHAKAMANI KWA KUTOMLIDHISHA KITANDANI.

2011-05-05T13:21:00.000+04:00

Mwanaume mmoja wa nchini Dubai amefikishwa mahakamani na mkewe na kufunguliwa madai ya fidia ya dola milioni 12.25 kwa kushindwa kumfikisha kileleni mkewe kwenye mambo ya malavi davi na hivyo kumsababishia mkewe mawazo mengi na kumchanganya akili.

Mke wa mwanaume huyo ambaye hakutajwa jina lake aliiambia mahakama kuwa mume wake alikuwa akizua sababu mbalimbali kumnyima unyumba kwa miezi minne ya mwanzo ya ndoa yao iliyofungwa mwaka 2008.

Mwanamke huyo aliendelea kusema kuwa baadae aligundua kuwa mumewe hawezi kazi kitandani kwani alikuwa akisumbuliwa na tatizo la uume wake kutosimama 'dede' hata aimbiwe nyimbo gani, limeripoti gazeti la Gulf News.

"Kwa kuangalia misingi ya tamaduni za kiarabu na jinsi mwanamke anavyochukuliwa katika jamii, niliamua kukaa kimya na kujaribu kuizoea hali hii huku nikiomba Mungu mambo yawe sawa", alisema mwanamke huyo.

Mwanamke huyo aliiambia mahakama kuwa mumewe ameshindwa kumtimizia mahitaji yake.

Aliendelea kuiambia mahakama kuwa mumewe alimsimamisha kazi kabla ya kumuoa na alimvua vidani vyake alivyokuwa navyo wakati huo.

Mwanamke huyo anadai fidia ya dirham milioni 45 ambazo ni sawa na dola milioni 12.25 kama fidia ya mumewe kumchanganya akili na kumsababishia mawazo mengi kwa kutomtimizia mahitaji yake.

WANAUME WATAKIWA KWENDA KLINIKI NA WAKE ZAO.

2011-05-05T13:08:00.001+04:00

Mume,Mke na Mtoto wao.

Tabia ya wanaume kutokwenda Kliniki na wake zao imechangia kuwapo kwa kiwango kidogo cha elimu ya uzazi na malezi ya watoto ndani ya familia.

Akizungumza kuhusu hilo, Mganga Mkuu wa Zahanati ya Wilaya ya Mkuranga, Dk. Philemon Kalugira, amesema tabia hiyo imechangia kwa kiasi kikubwa kukwamisha utoaji wa elimu ya uzazi na malezi ya watoto.

Dk. Kalugira amesema pamoja na Zahanati kuwapa kipaumbele wanaume wanaokwenda kliniki na wake zao kutopanga foleni ili kuongeza mwitiko kwa wanaume wengi bado muitikio kwa baadhi ya wanaume bado ni mdogo.

“Wanaume wengi hawafuatani na wake zao kliniki ili tuweze kuwapatia elimu ya uzazi na malezi ya watoto kwa pamoja, hivyo tunajikuta ni mama tu ndiye anapata elimu hiyo, hali inayosababisha ugumu wa kutoa uamuzi hadi akashauriane na mumewe nyumbani,” amesema Dk. Kalugira.

Ameongeza kuwa kuna baadhi ya wanaume wamekuwa wakiona haya kuongozana na wake zao kliniki, jambo linalowafanya washindwe kupata elimu kuhusu uzazi na malezi ya watoto.

Baadhi ya wanaume waliohojiwa kuhusu kutoongozana na wake zao kwenye vituo vya afya wamesema inawawia vigumu kutokana na hali halisi ya umasikini inayowakabili wengi wao pamoja na wakati huo kuwa ni muda wa kazi.

John Batibu, mkazi wa Magomeni, amesema yeye ni mjenzi, hivyo ni vigumu kuacha kazi za kuongozana na mke wake klini kwani akifanya hivyo kunaweza kukawalaza na njaa.

Abdalla Thabiti, mkazi wa Kiwalani, amesema tabia ya mfumo dume iliyojengeka tangu enzi za mababu zetu imechangia kwa kiasi kikubwa wanaume kuona aibu kuongozana na wake zao kliniki.

Hata hivyo amewataka wanaume kubadilika na kuendana na wakati ili kuwezesha jamii ndani ya familia kupata elimu ya kutosha juu ya malezi ya mtoto na uzazi.

KIKWETE ATAKIWA KUIVUNJA HALMASHAURI KUU CCM

2011-05-05T12:53:00.000+04:00

Mwenyekiti wa CCM, Rais Jakaya Kikwete.

Rais Jakaya Kikwete ambaye ni Mwenyekiti wa Chama Cha Mapinduzi (CCM), ametakiwa kujivua gamba kwa kuivunja Halmashauri Kuu ya Taifa (NEC) ya chama hicho kwa madai kwamba wajumbe wengi ndani yake wanashirikiana na mafisadi.

Mbali na hilo sektretarieti mpya inayoongozwa na Bw. Wilson Mukama imetakiwa kuhakikisha kwamba wanawavua uanachama pamoja na ubunge wanachama wao wanne wanaotajwa kwa tuhuma mbalimbali ili chama hicho kiweze kuibuka kidedea mwaka 2015.

Hayo yalisemwa jana na Mwanaharakati Mkurugenzi Mtendaji wa Shirika lisilo la kiserikali linalojishughulisha na utawala bora na haki za binadamu, Bw. Renatus Mkinga wakati alipokuwa akizungumzia hali ya siasa nchini na mwelekeo wa CCM baada ya kuamua kujivua gamba.

Alisema kuwa gamba kubwa linalolitikisa CCM ni Bw. Edward Lowassa, Bw. Rostam Azizi, Nazir Karamagi na Bw. Andrew Chenge.

"Hawa watu ni hatari kwa nchi yetu kwani baada kufanya mbinu zote za kujivua hilo gamba na kushindikana wanachokifanya sasa ni mbinu chafu za kuwapaka viongozi wa chama hicho matope akiwemo Mwenyekiti Rais Kikwete na familia yake," alisema.

Kwa mujibu wa Bw. Mkinga, wanachama hao hujisafisha kwa kutumia viongozi mbalimbali wakiwemo wa dini, wasiasa na watu binafsi.

Alisema kuwa viongozi wapya CCM waliochaguliwa wote anawafahamu vizuri kwamba ni watu wazuri na kusisitiza kwamba kujivua gamba kwa viongozi wachache hakutoshi, bali Halmashauri Kuu nayo inatakiwa kuvunjwa haraka kwa sababu nako kumejaa mafisadi.

Alisema kuwa nchi hii watu hawaichukii serikali bali chuki yao ni pale viongozi wanapokuwa hawachui hatua.

Bw. Mkinga alisisitiza kwamba kuvuliwa gamba kwa baadhi ya mafisadi hao haitoshi na badala yake wawavue pia uanachama pamoja na ubunge kwa kuwa ikifanikiwa kufanya hivyo CCM haitapoteza chochote wala haitakuwa na athari yoyote.

"Ninasisitiza kwamba kama CCM inataka kuanguka mwaka 2015 iendelee kuwang'ang'ania hawa wanne wafukuzwe na kisha wafikishwe mahakamani," alisema.

Alisema CCM imegawanyika katika makundi matatu ambapo yeye yupo katika kundi la CCM-Asilia, lingine ni CCM-Mamboleo na la mwisho CCM-Chumia tumbo.

Bw. Mkinga alisema kuwa kamwe wanachama hao wanatakiwa kujiondoa wasidhani kama watapata urais kwa kumchafua rais, familia yake na viongozi wa nchi.

.

WANAFUNZI WADAI KIINGEREZA KINAWAFELISHA.

2011-05-05T12:43:00.000+04:00

Baadhi ya wanafunzi wa Shule za Sekondari, wamesema sababu kuu za wanafunzi wengi wa kidato cha nne kufeli Hisabati ni uelewa mdogo wa lugha ya Kiingereza inayotumika kufundishia mashuleni.

Wakizungumza katika mahojiano maalumu hivi karibuni kuhusu sababu za wanafunzi wengi wa sekondari kufeli hisabati, walisema msingi mbovu wa somo hilo katika shule za msingi umechangia.

Fadhila Solomon anayesoma kidato cha tatu mchepuo wa sayansi katika Shule ya Sekondari ya Chifu Senge, alisema msingi hafifu wa lugha ya Kiingereza tangu shule ya msingi, umesababisha wanafunzi kushindwa kumudu somo la Hisabati.

Mwanafunzi huyo alisema katika shule za msingi, lugha kuu inayotumika kwa karibu masomo yote ni Kiswahili lakini wanapoingia sekondari hukutana na Kiingereza kwa masomo yote na wakati mwingine walimu hawajali kuwa wanafunzi wanatoka shule zisizo na mchepuo wa Kiingereza.

Maelezo hayo yaliungwa mkono na Asia Abdalla wa kidato cha pili na Regina Silas wa kidato cha tatu huku wakiwaomba walimu wachanganye lugha wakati wakifundisha ili wanafunzi wapate ujumbe kwa usahihi na ufasaha.

"Kule tulikotoka ni Kiswahili tu kwa kila somo isipokuwa somo la Kiingereza...sasa hapa kila somo ni Kiingereza.... mwalimu anatema Kiingereza kitupu kuanzia mwanzo hadi mwisho, sisi tunatoka kapa...walimu wawe wanachanganya lugha ili tuwaelewe vizuri," alisema Asia.

Regina alisema, lugha ya Kiingereza ni tatizo kubwa kwao na husababisha hata baadhi ya wanafunzi kumchukia mwalimu wa somo husika.

Mwanafunzi Francis Sebastian na Makafoo Iddi walisema kuwa pamoja na sababu hiyo kuu, ukali wa baadhi ya waalimu, uchache wa vitabu na uhaba mkubwa wa walimu wa Hisabati ni sababu nyingine zinazochangia wanafunzi kufeli somo hilo.

Sababu nyingine ni wanafunzi kutopenda somo la Hisabati na wengine kutojiamini; hasa wasichana.

ORIJINO KOMEDI-NDOA NI NDOWANO.

2011-04-24T22:26:00.000+04:00

KIKOMBE SASA CHATOLEWA MBAGALA.

2011-04-21T20:26:00.000+04:00

Mbagala kaibuka jamaa hapo juu pichani ambae alikuwa kondokta wa daladala nae anasema kaoteshwa atoe kikombe cha dawa kwa watanzania ili kuwaponya maradhi mbalimbali sugu.

Jamaa huyo anadai hata babu wa Loliondo yupo chini yake....japo wote wametumwa na mungu.

Wakazi wa eneo hilo wameshafika kwake na kupata kikombe ambacho ni maji ya aina mbalimbali ya bomba,mtoni,mvua,ya chupa anasema ndivyo alivyoagizwa na mungu na dawa yake si ya kuchemsha mizizi.

Nimekuwa nikijiuliza maswali bila majibu,huko tunakoenda watu tunyweshwa mpaka haja ndogo sasa!!!

Wananchi wanapata kikombe!!!

ORIJINO KOMEDI-UNAPOKUWA LOFA NA LIMBUKENI.

2011-04-19T10:43:00.000+04:00

DK.SLAA AMTUPIA MISHALE RAIS KIKWETE.

2011-04-19T10:38:00.002+04:00

*Amtaka naye ajivue gamba CCM
*Adai amekuwa akitetea mafisadi

Dk.Slaa-Katibu Mkuu wa CHADEMA

Katibu Mkuu wa Chama cha Demokrasia na Maendeleo (CHADEMA) Dkt. Willibrod Slaa amesema Rais Jakaya Kikwete anapaswa ajivue gamba CCM kwa kuwa yeye na washirika wake wameshrikiana kufanya ufisadi ndani ya Serikali.

Dkt. Slaa alisema hayo katika mkutano wa hadhara wakati akihutubia wananchi kwenye Uwanja wa Chipukizi mjini Tabora.

Alisema kuwa Rais Kikwete amekuwa akiwatetea maswahiba wake wanaotuhumiwa kuiingizia Serikali hasara ya mamilioni ya shilingi licha ya kuelezwa bayana lakini amekuwa akikaa kimya bila kuwachukulia hatua zozote zile za kisheria.

"Kikwete naye inafaa ajivue gamba ndani ya CCM kwa kuwa naye ni muhusika, asiwadanganye Watanzania kwamba eti CCM imejivua gamba wakati naye ni gamba katika CCM," alisema Dkt. Silaa huku akishangiliwa na umati wa watu na kuongeza:

"Huyu naye Chiligati eti anawatangazia Watanzania kwamba amewapa siku tisini wale wote wanaotuhumiwa na ufisadi, wawe wameondoka wenyewe ndani ya CCM na kumwacha Mkuu wake wa kazi Rais Kikwete kumtangaza naye awe ameondoka ndani ya hizo siku tisini" alisisitiza Dkt. Slaa.

Akimgeukia Mkuu wa Jeshi la Polisi nchini IGP Saidi Mwema Dkt. Slaa alisema kwamba achague mambo mawili siasa au upolisi.

Alisema kuwa Mkuu huyo wa Polisi amekuwa akikipigia debe Chama Cha Mapinduzi na kusahau kazi aliyotumwa na Watanzania ya kulinda usalama wa watu na mali zao lakini hivi sasa amegeuka kuwa mwanasiasa ndani ya Jeshi la Polisi.

Alieleza kwamba iwapo ameshindwa kufanya kazi ya Upolisi ni vyema akawatangazia Watanzania haraka kuwa yeye ameshindwa kazi hiyo na mwanasiasa.

Kuhusu watu wanaotuhumiwa kuwa mafisadi Dkt. Slaa alimtaka Rais Kikwete kuwachukulia haraka hatua za kisheria na kuwafikisha mahakamani na kwamba kama hawezi basi naye aondoke madarakani kwa kuwa ameshindwa kufanya kazi kwa wananchi waliomchagua kuingia madarakani.

OFISI ARDHI NUSRA ACHAPWE MAKONDE NA WANANCHI,NI KWA KUWAJIBU KWA KIINGEREZA.

2011-04-19T10:26:00.001+04:00

Ofisa Ardhi wa Manispaa ya Kinondoni, Edward Mrando, juzi alinusurika kupigwa chupa za maji baada ya kushindwa kutoa ufafanuzi wa maswali yaliyokuwa yakiulizwa na wananchi juu ya upatikanaji na umilikaji wa viwanja katika manispaa yake.

Miongoni mwa maswali hayo yalimtaka kueleza kwa nini kumekuwapo na urasimu wa kupata huduma katika ofisi yake na serikali ina mpango gani wa kuwauzia viwanja bei nafuu pungufu ya sh. milioni mbili ikizingatiwa kuwa kipato cha Watanzania wengi ni chini ya dola moja ya Marekani kwa siku na pia alitakiwa kueleza kwanini manispaa hiyo inaongoza kwa migogoro ya ardhi na kwanini wasio na uwezo wa kifedha wamekuwa wakinyang'anywa na matajiri viwanja vyao.

Hata hivyo, baada ya kuanza kujibu maswali hayo huku akianza kusoma vifungu vya sheria kwa lugha ya Kiingereza, ndipo alipoanza kuzomewa. Hata hivyo aliokolewa na Mkurugenzi wa Taasisi ya Utafiti na Utetezi wa Haki Ardhi, Yefred Myenzi, aliposimama kuwatuliza.

Myenzi aliwaomba wananchi hao kutulia kwa kuwa sheria za Tanzania zinaandika kwa Kiingereza hivyo atamsaidia pale atakaposhindwa.

Hata hivyo, wananchi walipinga kauli hiyo na kudai kuwa lugha ya taifa ni Kiswahili na kutoa wito kwamba ikiwa ataendelea kujibu maswali kwa kutumia lugha hiyo ni heri akaondoka.

KUKU ASABABISHA KUPOTEZA UHAI WAKE.

2011-04-19T10:22:00.000+04:00

Wakazi wa Buza, wilayani Temeke jijini Dar es Salaam wakiangalia mwili wa kijana mmoja aliyejulikana kwa jina moja la Iddi ambaye ni mkazi wa Buza aliyeuawa na wananchi wenye hasira kali kwa tuhuma za wizi.

Kijana huyo anadaiwa kufumwa akiiba kuku katika moja ya banda la kuku huko Buza, ambapo wananchi hao walianza kumponda kwa mawe na vitu vizito mpaka kupelekea kifo chake.

Hata hivyo baadaye, askari polisi waliuchukua mwili wake na kwenda kuuhifadhi kwenye chumba cha Maiti cha hospitali ya Temeke jijini, ambapo ndugu zake walikuja kuuchukua kwa mazishi.

VIDEO-CCM SASA WAPEANA KAVU LIVE.

2011-04-16T00:12:00.000+04:00

ORIJINO KOMEDI-MARUFUKU KUBEBA MAFUTA KWENYE VIDUMU.

2011-04-15T18:44:00.000+04:00

MTANZANIA AWAIBIA WANAFUNZI WENZIE SH, MILIONI 18 ALGERIA.

2011-04-15T18:42:00.000+04:00

Aliyekuwa kiongozi wa wanafunzi wa Tanzania wanaosoma nchini Algeria, Rweikiza Rugeyamba ametia ndani Dola za Marekani 12,539.32 (zaidi ya Sh milioni 18) zilizotolewa na Bodi ya Mikopo ya Wanafunzi wa Elimu ya Juu (HESLB) kwa ajili ya wanafunzi wa Kitanzania wanaosoma nchini humo.

Ripoti ya Mkaguzi na Mdhibiti Mkuu wa Hesabu za Serikali (CAG) iliyotolewa Jumatano bungeni mjini Dodoma, ilieleza kuwa fedha hizo za wanafunzi wa Kitanzania wanaosoma nchini Algeria, zilipelekwa kupitia Ubalozi wa Tanzania nchini Ufaransa mnamo Aprili 2009.

Fedha hizo zilikuwa ni za kujikimu kwa wanafunzi watano. “Hata hivyo; tulibaini kuwa fedha hizo hazikuwa zimelipwa kwa wanafunzi hao kama ilivyokusudiwa,” inasema sehemu ya ripoti ya CAG, Ludovick Utouh.

Rweikiza anadaiwa kutia ndani fedha hizo baada ya kulipwa na Ubalozi wa Ufaransa kupitia akaunti Namba 0163300019/68 ambayo mmiliki wake ni Rweikiza Rugeyamba ambaye alikuwa kiongozi wa Chama cha Wanafunzi wa Kitanzania wanaosoma nchini Algeria kwa lengo la kuwapatia wenzake waliokusudiwa.

CAG katika ripoti hiyo anasema Rugeyamba alipunguza kiasi cha fedha katika fedha alizotakiwa kuwapatia wanafunzi wenzake na kuwaacha wakiishi maisha magumu.

Pia, Rweikiza anadaiwa kutumia fursa ya kuaminiwa na wenzake kwa kutayarisha orodha ya malipo bandia na kuacha kiasi cha zile fedha zilizotumwa kwake kutoka Ubalozi wa nchini Ufaransa kwa kupunguza viwango vilivyotayarishwa na Bodi ya Mikopo.

Inadaiwa kuwa Februari 2009, HESLB ilituma Dola za Marekani 35,644.11 (Sh milioni 46.9), lakini Rweikiza alitayarisha orodha nyingine iliyopunguzwa Dola 70.25 ambayo ni fedha aliyojipatia visivyo halali. Hata hivyo, Rweikiza alishasimamishwa masomo Algeria na alisharudishwa nchini na uchunguzi wa Polisi unaendelea.

CAG katika ripoti hiyo pia amebainisha kuwa ukaguzi walioufanya katika nchi za India, Russia na China ulibaini kuwa wanafunzi wanaoendelea na masomo wamekuwa wakilipwa na Bodi ya Mikopo ada na posho za malazi bila ya kupata na kupitia taarifa za maendeleo ya kitaaluma.

“Haikuweza kufahamika ni kwa namna gani na ni kwa vigezo vipi ambavyo Bodi ya Mikopo inaweza kutoa mikopo katika mazingira haya wakati kunakuwa na wanafunzi wengine wanaofeli mitihani yao na wengine kufukuzwa vyuo?” alihoji CAG.

Alitoa mfano kuwa nchini China mwanafunzi anayejulikana kwa jina la Magimila Shamoro Ahmad wa Chuo Kikuu cha Afya cha Tianjian alifeli masomo na kuondoka chuoni baada ya kupokea kiasi cha Sh milioni 12.5 kama mkopo wa masomo kutoka Bodi ya Mikopo.

CAG katika ripoti hiyo ameeleza kuwa kutoka mwaka 1994 hadi Juni 2009, Bodi ya Mikopo ilikuwa imetoa jumla ya mikopo inayofikia Sh bilioni 433.3 kwa wanafunzi katika vyuo mbalimbali ndani na nje ya nchi ambapo kati ya mikopo hiyo, Sh bilioni 80.9 ni mikopo inayotakiwa kurejeshwa.

AFUMANIWA LIVE AKICHAKACHUA NA MUME WA MDOGO WAKE.

2011-04-15T18:34:00.000+04:00

Katika hali ya kushangaza, mwanamke mmoja aliyetambulika kwa jina moja la Rabia [32] amejikuta akipata aibu ya mwaka baada ya kukutwa akifanya mapenzi na mume wa mdogo wake. Hali hiyo ilijitokeza jana huko maeneo ya Yombo Vituka, majira ya saa moja usiku baada ya mdogo wa mwanamke huyo kupiga kelele za mayowe baada ya kuwakuta mumewe na dada yake wakiwa ndani wakifanya mapenzi.

Tukio hilo la kusisimua lilisababisha watu wengi kumiminika eneo hilo kumshuhudia mwanamke huyo aliyekosa hata chembe ya huruma na kuiba mume wa mdogo wake.

Baadhi ya watu waliofika katika tukio hilo walianza kuwashambulia wachakachuaji hao,huku wengine wakiwatolea maneno machafu.

Wakati hayo yakiendelea mdogo wake alikuwa akilia kwa uchungu huku akiwasiliana na kuwajuza wazazi wake kuhusiana na tukio hilo.

Imedaiwa kuwa, Fatuma [28] ambaye ni mke wa mume aliyefahamika kwa jina la Fred, asubuhi ya jana aliwaaga majirani zake kuwa anakwenda mkoani Pwani kwa mama yake mzazi akamsalimie.Ila ilipofika majira ya saa 5 asubuhi walimuona dada yake alifika hapo na majirani walimjuza kuwa mdogo wake hayupo lakini cha kushangaza alionekana akifungua mlango na kuingia ndani.

Majira ya mchana waliweza kumuona mume wa Fatuma alirudi hali ambayo hawakuielewa kwa kuwa hawakuzoea mume huyo kurudi majira hayo lakini walidhani huenda alirudi mara moja

Majirani waliendelea na shughuli zao na kumuona dada huyo akijishughulisha na shuhguli za nyumbani kwa mdogo wake huyo na watu hawakupata na wasiwasi kwa kuwa walishamzoea kufika hapo mara kwa mara

Mpashaji wa habari hii ambaye anaishi chumba cha pili kutoka chumba cha Fatuma alidai majira ya saa 10 jioni walisikia sauti ya redio imefunguliwa kwa sauti ya juu lakini waliendelea na shughuli zao.

Imedaiwa Fatuma alirudi nyumbani hapo majira ya saa 12:47 jioni na alipoingia ndani ghafla alianza kupiga kelele za mayowe.

Ndipo majirani walipokimbilia na kumkuta Fatuma ameanguka chini,mumewe wa akiwa amevaa upande wa kitenge huku dada yake akiwa amevaa upande wa khanga.

Hata hivyo majirani hao walipofika waliachana na wawili hao kwanza,na kuanza kushughulikia afya ya Fatuma kwanza na dakika chache baadae hali yake ikawa sawa ndipo alipoelezea hali aliyoikuta ndani kwake na kueleza kuwa alimkuta dada yake na mumewe wakiwa katika hali ya kufanya mapenzi na hapo ndipo majirani walianza kumshambulia mwanamke huyo na kutokana na kelele watu waliposikia walianza kumiminika kushuhudia tukio hilo.

Imedaiwa mwanamke huyo alitaka kuchomoka mlangoni na kukimbia lakini kuna baadhi ya watu walimzuia na walimzuia pia asivae nguo na abaki hivyo hivyo.

Mdogo wa mwanamke huyo aliishikwa na majirani zake na aliomba majirani hao wampeleka kwa shangazi yake anayeishi karibu nae ili akapumnike huko na asingeweza kulala hapo.

Hadi Fatuma anaondoka nyumbani kwake hapo kuelekea kwa shangazi yake huyo akajipumnzishe,dada yake alikuwa akilia kwa kujilaumu kwa aliyoyafanya huku mumewe nae akibaki amejiinamia kwa aibu aliyoipata kwa majirani zake.

BAADA YA KUPIGWA MARUFUKU UVAAJI WA VIKUKU,SASA VIMINI MARUFUKU BUNGENI.

2011-04-15T18:05:00.000+04:00

Naibu Spika wa Bunge Mh.Job Ngugai.

Naibu Spika wa Bunge,Mh.Job Ndugai ametoa tamko kwa wabunge wanawake kuacha mara moja mavazi yasiyo na heshima wanapohudhuria vikao vya bunge vinavyoendelea mjini Dodoma kwani mavazi hayo yameonekana kukera bunge hilo.Amewataka wabunge hao wanawake kuachana na mavazi hayo yakiwemo sketi fupi kupita kiasi “vimini” kwani kufanya hivyo ni kwenda kinyume na taratibu za Bunge la Jamhuri la Muungano wa Tanzania

Hivyo amewataka wabunge hao wanaopendela mavazi hayo kupitia upya vifungu vya sheria bungeni ili wasikumbwe na adha ya kufukuzwa bungeni na kujiondolea sifa zao katika vikao hivyo.

Hatua hiyo imekuja baada ya kuonekana kumekuwa na mmomonyoko wa mavazi yakiwemo na yale ambayo yanayoonesha maungo kwa wabunge na ametaka tabia hiyo ikome bungeni humo.

Wimbi la uvaaji wa vimini lilishamiri katika bunge hili jipya linaloitwa bunge la vijana kutokana na kuwa na wabunge wengi vijana.Awali wabunge hao wanawake walishawahi kupigwa marufuku uvaaji wa vikuu vya miguu ulioshamiri mara tu baada ya bunge kufunguliwa kwenye kikao chake cha kwanza.

VIDEO-WABUNGE WA CCM NA CHADEMA WATAKA KUZICHAPA BUNGENI.

2011-04-14T01:13:00.000+04:00

ORIJINO KOMEDI-CHIMBA MKWARA NA WEWE UCHIMBWE MKWARA.

2011-04-08T15:10:00.001+04:00

KWA HALI HII ,TANZANIA TUNAPOELEKEA SASA NI PABAYA SANA.

2011-04-08T14:23:00.007+04:00

-WATU WATANO WAMEUAWA KWA KUPIGWA MAPANGA,NA WENGINE KADHAA KUJERUHIWA

-NI KATIKA MAPAMBANO YA KUGOMBEA ARDHI HUKO TEGETA-DAR ES SALAAM.

Watu watano wanaodaiwa kuwa ni "Mabaunsa" wameuawa na Wananchi wenye hasira kali baada ya mapigano makali kuzuka kati ya wakazi wa eneo la Tegeta-Dar es Salaam, na Mabaunsa zaidi ya 300.

Mapigano hayo yamezuka baada ya Daniel Chacha (39), mkazi wa Mikocheni 'B', ambaye anadai ndiye mmiliki halali wa eneo hilo lenye ekari zaidi ya 104 kuwakodi mabaunsa hao ili wabomoe nyumba zilizokuwa zimejengwa katika eneo hilo kwa madai kuwa yeye ndiye mmiliki halali.

Lakini muda mfupi baada ya Mabaunsa hao kufika eneo hilo na kuanza kubomoa nyumba hizo,Wakazi wa eneo hilo walipiga mayowe na kuitana na ndipo walipojitokeza wakiwa na silaha za jadi na kuanza kuwashambulia Mabaunsa hao.

Kutokana na kuzidiwa nguvu baadhi ya Mabaunsa hao walifanikiwa kutokomea huku baadhi yao wakitiwa mbaroni na wananchi hao na kuanza kuwashambulia hali ambayo ilisababisha vifo vya watu watano na majeruhi kibao.

Miongoni mwa Mabaunsa waliokumbana na dhahama hiyo,kama wanavyoonekana pichani wakiwa wametapakaa damu.

Polisi wakichukua miili ya watu waliojeruhiwa vibaya sana ili waweze kuwahishwa hospitali

Watu walifika kushudia yaliyotokea katika eneo hilo.

ORIJINO KOMEDI-NDOTO ZA KUGAWA KIKOMBE SASA ZAZAGAA NCHI NZIMA.

2011-04-04T22:03:00.000+04:00

BABA AIKIMBIA NYUMBA BAADA YA KUPOKEA KIPIGO TOKA KWA WATOTO WAKE.

2011-04-04T22:00:00.000+04:00

Baada ya kupata kipigo kutoka kwa watoto wake aliowazaa baada ya kuleta mwanamke mwingine nyumbani kwake mbele ya mkewe, mwanaume huyo ameamua kutoweka nyumbani kwake kwa kujiona amezidiwa na watoto wake.

Hatua hiyo imekuja baada ya Farid kupata kipigo kutoka kwa mtoto wake wa kiume kilichoambatana na vilio vya uchungu kutoka kwa watoto hao.

Imedaiwa kuwa Farid kutokana na hatua waliyoichukua watoto wake, siku moja baadae alitoweka nyumbani hapo na hakujulikana alitokomea wapi

Imedaiwa kuwa wakati baba huyo akipata kipigo kutoka kwa watoto wake, mwanamke aliyeletwa nyumbani hapo kwa ajili ya utambulisho alibaki na mshangao kuona mumewe mtarajiwa akipata adhabu kutoka kwa watoto hao.

Hata hivyo ilihabarishwa kuwa mwanamke huyo alikuwa akiwaonya watoto hao waache kumpiga baba yao hali iliyozua hisia tofauti kwa watoto hao na yeye kuanza kushikishwa adabu na kukimbizwa mithili ya mwizi toka nyumbani hapo.

Wiki iliyopita watoto hao walimvamia baba yao kwa kuona mzee wao huyo amekuwa na utovu wa nidhamu kwa mama yao baada ya kumleta mwanamke mwingine nyumbani hapo kwa ajili ya utambulisho kitendo ambacho hawakukiafiki.

Awali baba huyo alikuwa akimpa kipigo mara kwa mara mke wake kushinikiza kuoa mke mwingine na amlete nyumbani hapo na mke wake hakuafiki maamuzi hayo na kumtaka aondoke ili ampishe aleta mke mwingine.

Hata hivyo imedaiwa kuwa, watoto hao wanajipanga kwenda kazini anapofanyia baba yao ili waonane na uongozi wa kampuni anayofanyia baba yao ili nusu mshahara aweze kupewa mama yao kwa ajili ya matumizi ya kujikimu kwa kuwa ametoweka nyumbani hapo.

WANASAYANSI WA NCHINI CHINA WATENGENEZA NG'OMBE WANAOTOA MAZIWA YA BINADAM.

2011-04-04T21:51:00.000+04:00

Wanasayansi wa nchini China wamefanikiwa kuwatengeneza ng'ombe wanaotoa maziwa kama yale yanayotolewa na wanawake wanaonyonyesha.

Wanasayansi hao wa nchini China wametamba kuwa wamefanikiwa kuwatengeneza ng'ombe 300 wanaotoa maziwa kama ya binadamu.

Katika ripoti ya wanasayansi hao iliyotolewa kwenye jarida la Public Library of Science One journal, wanasayansi hao walisema kuwa wamefanikiwa kuwatengeneza ng'ombe wanaotoa maziwa yenye protini ya Lysozyme ambayo hupatikana kwenye maziwa ya binadamu pekee ambayo humwezesha mtoto kuweza kujilinda na maradhi mbalimbali.

Wanasayansi hao waliifanyia marekebisho embryo ya ng'ombe na kisha kuipandikiza mimba kwenye ng'ombe jike ambaye alipozaa alizaa ng'ombe mwenye uwezo wa kutoa maziwa kama ya binadamu.

"Maziwa haya ni tofauti kabisa na maziwa ya kawaida ya ng'ombe, yana ladha tofauti na maziwa ya ng'ombe", alisema Profesa Ning Li, kiongozi wa utafiti huo katika chuo kikuu cha China Agricultural University.

"Tuna malengo ya kuuza baadhi ya tafiti za ugunduzi huu ndani ya miaka mitatu ijayo", alisema Profesa Ning Li na kuongeza " Itachukua kama miaka 10 kabla ya watu hawajaanza kununua maziwa ya binadamu madukani".

Profesa Li aliongeza kuwa maziwa hayo yatakuwa na virutubisho vingi muhimu kwa mwili wa binadamu.

Hata hivyo utafiti huo umewagawanya watu ambapo baadhi wanaupinga huku wengine wakiuunga mkono.

"Tuna wasiwasi mkubwa na utafiti huu wa kuwafanyia marekebisho ng'ombe na kuwapandikiza vinasaba vya binadamu", alisema Helen Wallace, mkurugenzi wa GeneWatch UK.

"Kuna maswali mengi kama maziwa haya yatakuwa salama kwa binadamu, inabidi yafanyiwe majaribio makubwa kama majaribio yanayofanywa kwa madawa katika kuchunguza kama yatakuwa hayana madhara kwa binadamu", aliongeza bi Helen Wallace.

Hata hivyo Profesa Keith Campbell, mtaalamu wa baiolojia katika chuo kikuu cha University of Nottingham nchini Uingereza amepingana na bi Helen na kusema kuwa kama taratibu zote za kitaaluma kuhusiana na vinasaba zitatumika maziwa hayo hayatakuwa na madhara yoyote kwa binadamu.

MATATANI KWA KUSHIKA MAKALIO YA MKE WA MTU

2011-04-04T21:46:00.000+04:00

Kijana mmoja amejikuta akiburuzwa kituo cha polisi bila kutegemea baada ya kumshika makalio mke wa mtu katika utani waliokuwa wakiendesha kati yao. Kijana huyo ambaye aliyetambulika kwa jina moja l Jose (24) alikutwa na dhoruba hiyo jana huko maeneo ya Kigogo Mburahati majira ya jioni.

Wakati mwandishi wetu alipokuwa akipita maeneo hayo alikuta umati wa watu ukiwa umemzonga mume wa dada aliyeshikwa makalio kwa kuhamaki na kumpiga mtuhumiwa na kumpa kichapo mkewe kutokana na kumkuta akiendesha utani huo.

Imedaiwa kijana huyo alikuwa akitaniana mara kwa mara na dada aliyefahamika kwa jina la Salama (28) bila ya mume huyo kutambua.

Jana mume wa Salama wakati akirudi nyumbani alimkuta mkewe na mwanaume huyo wakitania kama kawaida yao na ghafla aliona mkewe akishikwa makalioni na mwanaume huyo.

Mume wa Salama alimvamia kijana huyo na kuanza kumpa kichapo cha nguvu na kuwafanya wakazi wa maeneo hayo kuingilia kati kunusuru maisha ya kijana huyo.

Wakazi hao walijaribu kumwambia mume wa Salama kuwa mkewe na kijana huyo walikuwa wakitaniana.

Hata hivyo mume wa dada huyo hakuwa na msamaria aliendelea kumjeruhi kijana huyo na kisha kumburuza kijana huyo kuelekea kituo cha polisi.

MKUTANO TULIVU,CHINI YA USIMAMIZI WA MBWA

2011-03-13T16:13:00.001+03:00

Wakazi wa kijiji cha Milo Ludewa mkoani Iringa wakimsikiliza mbunge wa jimbo la Ludewa Deo Filikunjombe (hayupo pichani) huku mbele yao mbwa akiwa amekaa mkao wa kuongoza kikao kwa utulivu zaidi.
"Ndugu zangu binadamu naona tumeelewana tufanye kazi nashukuru kwa kunisikiliza ahsanteni sana mimi naondoka zangu"akionekana mbwa huyo akiwaaga watu baada ya kikao.

KUANZIA MWAKA WA MASOMO 2011/2012,MIKOPO YA WANAFUNZA WA ELIMU YA JUU KUOMBWA ONLINE.

2011-03-13T15:26:00.006+03:00

Bodi ya Mikopo ya Wanafunzi wa Elimu ya Juu (HESLB) imeanzisha utaratibu mpya wa kuomba mikopo ya Wanafunzi wa elimu ya juu kwa njia ya mtandao yaani “Online Loan Application System (OLAS)”. Mfumo huo mpya utaanza kutumiwa na waombaji mikopo wa mara ya kwanza na Wanafunzi wanaoendelea na masomo kwa mwaka wa masomo 2011/2012. Uombaji mikopo kwa njia ya mtandao umeanzishwa kwa lengo la kuboresha utoaji mikopo na kuimarisha utunzaji wa kumbukumbu za wanufaika wa mikopo ya elimu ya juu.

Kupitia mfumo huu (OLAS), waombaji wataingiza taarifa zao binafsi na kuziwasilisha Bodi kwa njia ya mtandao. Waombaji mikopo watatakiwa kutembelea tovuti ya Bodi: http://www.heslb.go.tz na kubofya kiunganishi kinachoitwa “Online Loan Application System”. Aidha, Waombaji wanaweza kwenda moja kwa moja katika mfumo wa uombaji mikopo kwa njia ya mtandao kwa anuani ifuatayo http://olas.heslb.go.tz .

Mwongozo unaoelezea jinsi ya kuomba mikopo kupitia mtandao (OLAS) unapatikana katika tovuti ya Bodi. Aidha, Vipeperushi vimesambazwa nchi nzima ili kuwafikia wale wanaotarajia kujiunga na elimu ya juu, Wazazi na Umma kwa ujumla ili kuwaelimisha juu ya utaratibu huu mpya. Vipeperushi hivyo vitapatikana kuanzia tarehe 1 Aprili, 2011 kwenye sehemu zifuatazo: (1) Kwenye Vyuo vya Elimu ya Juu (2) Kwenye Ofisi za Elimu za Wilaya (3) Kwenye matawi yote ya Posta.

Wanafunzi wote wanaotarajia kujiunga na taasisi za elimu ya juu kwa mwaka wa masomo 2011/2012 wanashauriwa kusoma kwa makini mwongozo wa uombaji mikopo ili kupata ufahamu wa zoezi hili hasa jinsi ya kuingia katika mtandao na kuwasilisha fomu za maombi. Ni muhimu kwa waombaji kuwasilisha taarifa sahihi na za kweli ili kuwezesha upangaji wa madaraja ya mikopo kwa waombaji wanaostahili kufanyika kwa ufanisi.

Maombi ya mikopo yataanza kupokelewa rasmi tarehe 1 Aprili, 2011 and tarehe ya mwisho ya kupokea maombi hayo kwa mtandao ni 30 Juni, 2011. Hakutakuwa na muda wa nyongeza baada ya tarehe hiyo kupita.

Kwa masharti na namna ya kujaza fomu za kuombea mkopo

BOFYA HAPA

Kama una tatizo lolote ama unapenda kupata taarifa zaidi, usisite kuwasiliana na:

Mkurugenzi Mtendaji,

Bodi ya Mikopo ya Wanafunzi wa Elimu ya Juu,

Jengo la TIRDO, Barabara ya Kimweri, Msasani

S.L.P. 76068, Dar es Salaam, Tanzania.

Simu +255 22 2669036/2669037 Faksi: +255 22 2669039

Barua pepe: info@heslb.go.tz

Tovuti: www.heslb.go.tz

VIDEO-KWELI KIFO KINAPOKUJA HUWA AKIGONGI HODI

2011-03-13T09:45:00.001+03:00

Kwa kuangalia video hii utaamini kuwa kweli kifo kinapokuja huwa hakitoi taarifa na hutokea wakati wowote ule na katika mazingira mbali mbali kama mwanasiasa huyu wa nchini India alivyofariki live mbele ya waandishi wa habari aliokuwa akiongea nao.

Ni kweli haijulikani kifo kitamkuta mtu akiwa katika mazingira gani na wakati gani.

Mwanasiasa huyu wa nchini India aliiaga dunia wakati akiwa ameketi akiwahutubia waandishi wa habari.

Video ya mwanasisa huyo akiiaga dunia Live kwenye luninga huku akicheka imekuwa gumzo kwenye mitandao duniani na hadi sasa imeshaangaliwa na watu zaidi ya milioni 7.

Sababu halisi ya kifo chake haijajulikana ingawa mengi yamesemwa kuhusiana na kifo chake, wengine wakisema huenda kifo chake kikawa kimesababishwa na shinikizo la damu na wengine wakidai maji aliyokunywa kabla ya kufariki yalikuwa na sumu.

Angalia VIDEO hiyo chini

ORIJINO KOMEDI-BABU MCHUNGAJI WA LOLIONDO

2011-03-11T19:42:00.000+03:00

ORIJINO KOMEDI-UTATA WA PESA MPYA

2011-03-11T19:40:00.000+03:00

WIVU WA MAPENZI WAKATISHA MAISHA YAKE

2011-03-11T19:31:00.000+03:00

ALLY Salum (48) anayedaiwa kuwa fundi ujenzi na mkazi wa Yombo Buza, amekufa baada ya kujinyonga kwa kutumia kamba ya mkonge kutokana na kuzidiwa na wivu wa mapenzi .

Kamanda wa Polisi Mkoa wa Temeke, David Misime alisema kuwa marehemu huyo alikutwa amekufa juzi, majira ya saa 8.00 mchana nyumbani kwake.

Alisema Ally kabla hajachukua uamuzi wa kujinyonga aliacha ujumbe maalum uliofanya ajinyonge yeye mwenyewe.

Alisema ujumbe huo ulionyesha dhahiri kuudhiwa na mke wake baada ya kuona mabadiliko ya kitabia juu yake.

Ujumbe aliouacha ulisomeka , “nimeamua kujinyonga kwa hiyari yangu kutokana na mke wangu kushauriwa na mama Salehe kutoka nje ya ndoa, hivyo namuacha aendelee na hizo starehe zake, ila naomba mke wangu asibughudhiwe.

“Mali nilizochuma naye zibaki mikononi mwake, asinyang’anywe na mtu yeyote wala ndugu yangu yoyote, napenda kuwajulisha nilikuwa na mke mwingine mdogo yupo maeneo ya Kimbiji Kigamboni, Sanda yangu nilishaandaa siku nyingi ipo kwenye sanduku,” ulieleza ujumbe huo.

Polisi wanaendelea na upelelezi huku maiti imehifadhiwa hospitali yaTemeke.

ORIJINO KOMEDI-MABOMU YA GONGO LA MBOTO

2011-02-26T14:49:00.000+03:00

MAAJABU!!!

2011-02-24T10:42:00.001+03:00

*Paka anyofoa nyeti za babu
*Akimbia nazo na kuzila

Paka

Majonzi na masikitiko vilisababisha kikao cha wazee kuvunjika ghafla baada ya mzee mmoja kunyofolewa sehemu zake za siri na paka aliyekimbia nazo.

Tukio hilo limetokea Februari 20, mwaka huu, saa 11 jioni, Babati, Mkoani Manyara.

Mzee huyo ambaye hivi sasa hali yake ni mbaya amelazwa katika Hospitali ya Mkoa wa Manyara, ambapo madaktari wa hospitali hiyo wamelazimika kuzikata nyeti hizo.

Kwa mujibu wa shuhuda wetu, mzee huyo alikuwa na kundi na wazee wenzake wakimjadili binti aliyetoroshwa na kijana mmoja kijijini hapo.

Amedai kuwa wakati kikao hicho kikiendelea mzee huyo alikuwa amevalia mavazi msuli na ndani akiwa hajavaa nguo za ndani na kusababisha sehemu zake za siri kuwa nje.

Wakati kikao hicho kikiendelea ilidaiwa kuwa katika kiti ambacho alikuwa amekaa mzee huyo chini kulikuwa na paka ambaye alikuwa akicheza cheza.

Ilidaiwa kuwa paka huyo alikuwa akizunguka zunguka maeneo hayo na ghafla aliruka na kunyofoa nyeti za mzee huyo na kukimbia nazo juu ya mti.

Kutokana na tukio hilo, wazee hao walishindwa kumkimbiza na kumkamata paka huyo na badala yake walianza kumsaidia mzee huyo ambaye damu zilikuwa zikivuja kwa wingi na kisha kumkimbiza katika hospitali ya wilaya ya Babati.

Hata hivyo, kutokana na kitendo hicho, baadhi ya wakazi wamedai kuwa kinaweza kuwa ni cha kishirikina kutokana na paka huyo kunyofoa nyeti hizo na kukimbia nazo juu ya mti na kuanza kuzila.

PICHA HII YAWATAJIRISHA.

2011-02-24T10:25:00.000+03:00

Rozonno, mkewe na watoto wao mapacha sita.

Picha waliyopiga pamoja na watoto wao wachanga sita na kisha kuiweka kwenye mtandao wa Facebook imeifanya familia moja nchini Marekani kujiingizia kiasi cha dola 250,000 zaidi ya Tsh Milioni 325. Kwa miaka 11, Rozonno na mkewe Mia McGhee walifanya kila walichokiweza ili waweze kuzaa mtoto angalau mmoja.

Baada ya jitihada zao zote kugonga mwamba waliamua kujaribu kutafuta tiba ya tatizo hilo hospitalini na hatimaye mwaka jana mwezi juni Mia alifanikiwa kupata mimba na kujifungua si mtoto mmoja bali watoto mapacha sita.

Lakini mahitaji ya watoto hao wachanga yalikuwa makubwa kuliko uwezo wao. Kwa siku watoto hao walitumia jumla ya nepi 50 na chupa 30 za maziwa.

Maombi ya msaada toka kwa manispaa yalipokataliwa, Mia alimwambia mumewe waweke pozi na watoto wao na walipiga picha ambayo Mia aliiweka kwenye mtandao wa Facebook.

Ndani ya muda mfupi picha hiyo ilijipatia umaarufu duniani na haikuchukua muda ilimfikia bilionea Oprah Winfrey ambaye alivutiwa na picha hiyo na kuamua kumualika Rozonno na mkewe kwenye shoo yake ya Oprah Winfrey Show.

Kwa ukarimu wake, Oprah aliizawadia familia hiyo dola 250,000 za kufanya manunuzi ya mahitaji yao yote wakati wowote wanapotaka kwenye mtandao wa supermarket kubwa Marekani ya Walmart.

Ingawa Rozonno na mkewe walishaoana miaka 11 iliyopita walipokuwa na umri wa miaka 18 na 19, Oprah aliwazadia zawadi ya kwenda fungate (honeymoon) kwenye mojawapo ya hoteli kubwa za mjini Las Vegas.

Nyota wa muziki nyororo wa Marekani, Celine Dion ambaye naye alikuwepo kwenye shoo ya Oprah, aliwapa zawadi ya tiketi ya mstari wa mbele kabisa kwenye shoo yake ya muziki.

HATUHITAJI WANAWAKE WENYE MAKALIO MAKUBWA-MAJUTO

2011-02-24T10:19:00.000+03:00

Kava la filamu ya vichekesho ya In'ye

Mkongwe wa vichekesho nchini Tanzania King Majuto,amesema kuwa vichekesho wanavyoviandaa kwa sasa hawahitaji wanawake wenye makalio makubwa.

Baada ya kutamba na filamu ya In'ye ambayo ilijipatia umaarufu kutokana na wanawake wengi wenye makalio makubwa walioshirikishwa kwenye filamu hiyo, King Majuto amesema kuwa katika filamu zao za sasa hawahitaji tena wanawake wenye makalio makubwa.

King majuto alisema kuwa wanawake wenye maumbile makubwa waliwahitaji
kwenye vichekesho vya In'ye tu ili kufikisha ujunbe kwa wanawake kama
wale wanaovaa nguo ndogo ili kuwatamanisha wanaume.

"Tulifanya vile ili kufikisha ujumbe tu lakini kwa ujinga wa watu wanabaki kucheka tu bila kuangalia ujumbe uko wapi, wenyewe wanasema tumewadhalilisha lakini si kweli sisi tunataka waache kuvaa nguo za kubana tu," alisema King Majuto.

Alisema kuwa watu wengi wanadhani vichekesho ni kucheka tu hivyo ni
vizuri kumlenga mtu moja kwa moja ili mwenyewe ajue ili aache kabisa
tabia ambazo hazifai.

Aidha King huyo wa vichekesho amedai kuwa mkataba alioungia na Al-Riyami unambana kuwaonesha wapenzi wake makeke yake upande wa filamu.

"Nimeandaa filamu zangu mkataba ukiisha tu wale wanaojiita masupa staa
katika filamu wakae pembeni kwa sababu mimi ni mkali kuliko wao nitawakimbiza tu," alisema King Majuto.

MAMA AMFANYIA UNYAMA MWANAYE.

2011-02-24T10:10:00.000+03:00

Mtoto Deus Juma (7) akiwa wadi namba moja katika Hospitali ya Wilaya ya Geita akiuguza majeraha kwenye mikono yake baada ya kuchomwa moto na mama yake mzazi.

POLISI wilayani Geita katika mkoa wa Mwanza wamemkamata mwanamke kwa tuhuma za kumuunguza mwanawe kwa maji ya moto mikono yote miwili na kisha kumfungia ndani kwa siku tatu.

Mary Dominick anadaiwa kufanya kitendo hicho wiki iliyopita nyumbani kwake katika Mtaa wa Msalala, mjini Geita baada ya kumtuhumu mtoto huyo kuiba Sh 6,000 zilizokuwa ndani ya nyumba.

Mtoto huyo, Deus Juma (7) anayesoma darasa la kwanza katika Shule ya Msingi Kivukoni amelazwa katika hospitali ya wilaya ya Geita.

Mganga Mkuu wa hospitali hiyo, Dk Abdallah Dihenga alisema walimpokea mtoto huyo juzi akiwa na majeraha mikononi.

Akiwa katika wodi namba moja hospitalini hapo chini ya uangalizi wa majirani waliodai ni wanakikundi cha kusaidiana ambacho mama yake ni mwanachama, mtoto huyo alisema siku ya tukio baada ya mama yake kurejea nyumbani akitokea kwenye shughuli zake, alimuita na kuanza kumpiga huku akimtuhumu kuiba fedha licha ya yeye kujitetea.

Juma ambaye alikuwa akijieleza huku akilia, alisema, “pamoja na kujitetea kwa muda mrefu lakini mama hakunielewa hata kidogo na kuendelea kuning’ang’aniza kwamba mimi ndiye mwizi niliyemuibia fedha zake,” alisema na kuongeza:

“Aliniingiza ndani na kisha kunifunga mikono yote miwili pamoja na miguu kwa mpira wa kufungia mizigo kwenye baiskeli na kuanza kunipiga” .

Alidai baada ya kipigo hicho, mama yake hakumfungulia mpira aliokuwa amemfunga miguuni na mikononi hali iliyomlazimu kulala sakafuni kwa siku tatu kabla ya kufunguliwa na kukutwa mikono imevimba.

Kwa mujibu wa mtoto huyo, mama yake alipokuta mikono imevimba alichemsha maji ya moto na kumkanda na alipoona uvimbe haupungui, aliamua kuchukua barafu na kumuwekea kwenye mikono.

Inaelezwa kwamba jana asubuhi ndipo mtoto huyo alifunguliwa na baada ya kutoka nje, alikimbilia barabarani alipokutana na wasamaria wakampeleka kwa Mwenyekiti wa Kitongoji, Sosthenes Mahushi.

Kiongozi huyo wa kitongoji alithibitisha kumpokea mtoto huyo na kisha kumpeleka polisi kabla ya kumfikisha hospitalini hapo.

Mtoto huyo alishuhudiwa akiwa na majeraha usoni na kichwani anayodai yalitokana na kupigwa na kipande cha ubao.

Vile vile mikono imevimba huku akiwa na vidonda vikubwa katika viganja kiasi cha kushindwa kukunja vidole.

Polisi wilayani hapo imethibitisha tukio hilo na kusema mwanamke huyo anashikiliwa na kwamba atafikishwa mahakamani wakati wowote uchunguzi utakapokamilika.

Wakati huohuo, wanawake waliokutwa hospitalini hapo wakimhudumia mtoto huyo hawakuwa tayari kuzungumza.

Pia hapakuwa na ndugu wala jamaa waliopatikana mara moja kuzungumzia undani wa maisha ya mtoto huyo.

Mama yake pia hakupatikana kuthibitisha tuhuma kutokana na kushikiliwa na polisi.

Diamond feat. Hawa - Nitarejea (Official Video)

2011-02-21T22:08:00.001+03:00

WIVU WAMPELEKEA KUNYOFOA SIKIO LA MUMEWE.

2011-02-21T22:02:00.000+03:00

June Thomson kushoto na Trevor Wainman kulia akionyesha sikio lake linavyoonekana kwa sasa.

Mwanamke mmoja wa nchini Uingereza ametupwa jela miezi 18 baada ya kuling'ata na kulinyofoa sikio la mpenzi wake baada ya kukasirishwa na kitendo cha mhudumu wa kike wa baa kumnunulia mumewe bia kama zawadi ya bethidei.

June Thomson ambaye ni mama wa watoto watano amehukumiwa kwenda jela kwa kitendo chake hicho cha kukinyofoa kipande cha sikio la mumewe na kukitema chini na mbwa wao kukimeza.

June mwenye umri wa miaka 44 alikuwa baa na mumewe, Trevor Wainman, 45, wakati mhudumu wa baa alipomnunulia bia Trevor kama zawadi ya bethidei.

Waliporudi nyumbani, kutokana na wivu June alianza kumshambulia mumewe akihoji imekuwaje anunuliwe bia na baa medi.

Alimpiga ngumi za uso mumewe huku akimtupia maneno kabla ya kuling'ata sikio lake na kukinyofoa kipande cha sikio hilo.

Alikitema chini kipande hicho cha sikio na mbwa wao aliyepewa jina la Alfie alikipitia na kukimeza.

"Alinikandamiza na kuzamisha meno yake kwenye masikio yangu na kunyofoa kipande cha sikio langu, sijawahi kusikia maumivu kama yale katika maisha yangu, damu zilisambaa kila kona, ukutani na kwenye sakafu ilikuwa ni kama bomu limenilipukia", alisema Wainman.

"Alinifanya nionekane kama vile nimegongwa na gari, ana wivu sana natamani nisingejuana naye maishani mwangu", aliongeza.

Uchunguzi wa polisi ulibaini kuwa mbwa wao ndiye aliyekimeza kipande cha sikio kilichonyofolewa.

Mahakama ilimuona June ana hatia na ilimhukumu kwenda jela miezi 18.

MKE WA RAIS OBAMA AWAPIGA MARUFUKU BINTI ZAKE KUTUMIA FACEBOOK

2011-02-21T21:56:00.000+03:00

Familia ya Obama

Mke wa rais wa Marekani, Michelle Obama amewapiga marufuku binti zake kujiunga na mtandao wa Facebook.

Pamoja na kwamba mke wa rais wa Marekani, Michelle Obama amekuwa akisema kuwa anataka watoto wake waishi maisha ya kawaida kama watoto wengine, amewapiga marufuku watoto wake kujiunga na mtandao wa Facebook.

Akiongea kwenye kipindi cha televisheni cha Today show, ambacho alialikwa ili kuzungumzia kampeni yake ya kuwashawishi vijana kula vyema na kufanya mazoezi, Michelle Obama alijikuta akiulizwa maswali mengi kuhusiana na familia yake.

"Mimi sipendelei watoto kujiunga na mtandao wa Facebook, sio kitu wanachokihitaji kwa wakati huu", alisema bi Obama.

Michelle Obama alisema kuwa hatawaruhusu watoto wake Sasha mwenye miaka 9 na Malia mwenye miaka 12, wajiunge na mtandao huo unaoziunganisha jamii mbalimbali duniani.

Aliongeza kuwa kwa kutegemea na umri wao na muda ambao Obama atakuwa madarakani kama ni miaka miwili ijayo au sita ijayo, asingependelea kuwaona binti zake wakijiunga na mtandao huo.

Hata hivyo bi Obama hakuelezea kama uamuzi wake huo unatokana na wasiwasi wa baadhi ya watu kuhusiana na watoto kujiunga na mtandao wa Facebook ambao una jumla ya wanachama milioni 600 duniani.

MGOMBEA URAIS AAHIDI KUWAPATIA WAUME WANAWAKE WASIOOLEWA.

2011-02-21T21:51:00.001+03:00

Mgombea urais wa nchini Kazakhstan, Amantay Asilbek

Mgombea wa urais nchini Kazakhstan amekuja na kampeni ya urais ya aina yake duniani kwa kutamba kuwa atawapatia waume wanawake wote wa nchini humo ambao hawajaolewa.

Mgombea urais wa nchini Kazakhstan, Amantay Asilbek amewaahidi wanawake nchini humo kuwa atahakikisha wanawake wote ambao hawajaolewa wanapata waume.

"Nchini Kazakhstan kuna wanawake wengi ambao hawajaolewa, hili ni janga la taifa kwani tunawapoteza akina mama wa baadae", alisema Asilbek wakati wa mahojiano na gazeti moja nchini humo.

Asilbek aliendelea kusema kuwa tatizo la wanawake wengi kukosa waume litapatiwa ufumbuzi kwa kuwaruhusu wanaume kuwaoa wanawake zaidi ya mmoja.

Asilbek mwenye umri wa miaka 70 alitamba kuwa hata yeye mwenyewe pia amefikiria kuongeza mke wa pili.

Pamoja na kusapoti wanaume kuoa wanawake wengi, Asilbek alionyesha wazi hataki kumuudhi mwandani wake kwa kumletea mwenzake kwa kusema"
"Wasichana wengi wamekuwa wakija nyumbani kwangu wakiwa na ndoto za kuwa wake zangu, lakini hakuna hata mmoja aliyeweza kuwa na kiwango cha ubora kama cha mke wangu", alitamba Asilbek.

Asilbek alisema kuwa atapigania kuruhusiwa kwa wanaume kuoa wanawake wengi ili kuondoa tatizo la wanawake wengi kubaki majumbani mwa wazazi wao wakiwa wamekosa wanaume wa kuwaoa.

Asilbek, alijaribu kugombea nafasi ya kuwania urais mwaka 1998 lakini aliikosa nafasi hiyo. Alikubaliwa kugombea urais katika uchaguzi wa mwaka 2005 lakini aliangushwa vibaya.

Safari hii Asilbek amejitosa tena kugombea urais katika uchaguzi mkuu utakaofanyika tarehe 3 mwezi wa nne mwaka huu.

MILIPUKO YA MABOMU GONGOLAMBOTO KATIKA PICHA.

2011-02-17T16:56:00.001+03:00

Msafara wa Rais wa Jamhuri ya Muungano wa Tanzania Dk. Jakaya Mrisho Kikwete ukiingia katika kambi ya Jeshi la Wananchi ya Gongo la Mboto. Rais amefanya ziara katika kambi hiyo kujionea hali halisi ya madhara yaliyosababishwa na milipuko ya mabomu yaliyotokea jana usiku.

Msemaji wa Jeshi la Wananchi Luteni Kanali Masoud Mgawe akitoa ufafanuzi kwa waandishi wa habari katika eneo la tukio kuhusiana na milipuko hiyo.

Wakazi wa Gongo la Mboto wakishangaa mabaki ya bomu lililolipuka.

Mkazi anayeishi eneo la jirani na kambi hiyo akionesha mahali moja wapo ya mabomu hayo lilikopita katika nyumba yake.

Bomu lililopita dirishani likiwa limetua ndani ya chumba cha nyumba hiyo na kumjeruhi binti mwenye umri wa miaka 11 aliyekuwa amelala ndani humo.

Mtoto Subira Shabaan (11) Mwanafunzi wa Shule ya Msingi Ulangoni aliyejeruhiwa na bomu hilo akionyesha majeraha hayo.

Eneo la Msitiki ambapo vilikutwa baadhi ya viungo vya mwili wa binadamu.

Duka la mmoja wa wakazi wa eneo hilo Bw. Okoleo likiwa limeharibiwa vibaya na moja wapo ya mabomu ambapo hakubahatika kuokoa mali zake.

Moja wapo ya bomu lililokutwa katika eneo la makazi ya watu.

Nyumba iliyotobolewa na bomu.

Darasa la Wanafunzi wa kidato cha Pili katika Shule ya Sekondari Pugu likiwa limeharibiwa na milipuko hiyo.

Mkazi wa Gongo la Mboto akitazama mabaki ya bomu lililolipuka bila kujali usalama wake.

Hii ni sehemu ya makazi ya watu ambapo bomu lilitua na kujikita chini ya ardhi ikiwa imezungushiwa utepe baada ya kusemekana bomu hilo halijalipuka.

Wakazi wa Gongo la Mboto na maeneo ya jirani wakikimbia makazi yao kwa kuhofia usalama wa maisha yao. Usafiri katika eneo hilo umekuwa ni washida hali iliyosababisha kutumia njia mbalimbali ikiwemo miguu, malori na pikipiki kusalimisha maisha yao.

MTANDAO WA FACEBOOK WAONGOZA KWA KUVUNJA NDOA ZA WATU

2011-02-10T00:36:00.000+03:00

Kutokana na vishawishi vya kimapenzi kutokana na picha na meseji zinazoandikwa kwenye Facebook zimepelekea watu wengi wazisaliti ndoa zao na matokeo yake kumekuwepo na ongezeko kubwa la kuvunjika kwa ndoa chanzo kikubwa kikiwa ni Facebook.

Kwa mujibu wa utafiti uliofanywa hivi karibuni kuhusiana na matumizi ya mtandao wa Facebook umeonyesha kuwa ndoa nyingi zimekuwa zikivunjika kutokana na wanandoa kuingiwa na vishawishi na baadae kuzisaliti ndoa zao kwa kuanza mahusiano ya kimapenzi na watu wanaokutana nao kwenye mtandao huo mkubwa duniani.

Utafiti uliofanywa nchini Uingereza umeonyesha kuongezeka kwa kasi ya kuvunjika kwa ndoa kutokana na watu kufumaniwa wakiwa na mahusiano ya kimapenzi nje ya ndoa na watu wanaokutana nao kwenye Facebook.

Mwanasheria mmoja wa masuala ya familia alidokeza kuwa katika kipindi cha miezi tisa iliyopita, alizisimamia kesi 30 za kuvunjika kwa ndoa na kesi zote zilihusisha mtandao wa Facebook kama chanzo cha kuvunjika kwa ndoa hizo.

Mwanasheria mwengine alisema kuwa katika kila kesi tano walizozisimamia za madai ya talaka, kesi moja ilihusisha mtandao wa Facebook kama sababu kuu ya kuvunjika kwa ndoa.

Emma Patel, mwanasheria wa kampuni ya Hart Scales & Hodges Solicitors, alisema kuwa tovuti ya Facebook imegeuka kuwa mtu wa kati wa kuzitenganisha ndoa za watu.

“Facebook imekuwa ikilaumiwa kwa ongezeko la kuvunjika kwa ndoa na cha kustaajabisha katika kesi zote nilizozisimamia tangu mwezi mei mwaka jana zote zilihusisha tovuti ya Facebook kwa njia moja au nyingine”, alisema Emma.

Miongoni mwa watu waliovunjwa mioyo yao kutokana na mtandao wa Facebook ni James Wrigley, 34 wa mjini London ambaye alisema: "Mpenzi wangu alinitosa baada ya kugundua kuwa nilikuwa nikiwatumia meseji kwenye Facebook wanawake niliokuwa nikifanya nao kazi”.

“Alipata password yangu ya Facebook, alisoma meseji zangu zote na huo ndio ukawa mwisho wa uhusiano wetu wa miaka minne, sijahuzunika sana kwa sababu hatukuwa tumeoana”, aliongeza James.

Mfano mwengine ni mama wa mtoto mmoja, Marianna Gini, 32, ambaye ndoa yake ya miaka sita ilivunjika baada ya kugundua kwa kupitia mtandao wa Facebook kuwa mumewe Robert, 34, alikuwa na uhusiano wa kimapenzi na mwanamke mwengine nje ya ndoa.

Mwanamke mwingine wa nchini humo aliamua kuvunja ndoa yake na mumewe baada ya kugundua mumewe alikuwa akimtumia ujumbe wa kimapenzi mwanamke mwingine ambaye hata hawakuwahi kukutana.

Msemaji wa Facebook alipoulizwa kuhusiana na lawama wanazotupiwa Facebook za kuvunja ndoa za watu alijibu kwa kusema “Ni sawa na kuilamu simu yako ya mkononi au email yako”.

“Kwani kuingia kwenye Facebook mtu hulazimishwa kufanywa kitu asichokipenda? , jibu lingekuwa ni Hapana.”, alimalizia kusema msemaji huyo wa Facebook.

WWW.KAPARAMA.BLOGSPOT.COM inawaomba na kuwasihi watumiaji wa mtandao huo wa Facebook kuutumia mtandao huo kwa mipaka kwani inawezekana wewe unayesoma mada hii hapa tayari ni muathirika wa janga hili au soon utakuwa muathirika.

VIDEO NA PICHA-MGOMO WA WANAFUNZI CHUO KIKUU CHA ARDHI LEO.

2011-02-04T18:39:00.003+03:00

Makamu wa rais wa wanafunzi hao akiwatuliza wanafunzi wasikimbie polisi kwani wako salama na hakuna kibaya kitakachotokea.Katika eneo la tukio hilo kila mwanafunzi alionekana na chupa ya maji,kwa ajili ya kujikinga na mabomu ya machozi.

Wanafunzi wakitimka mara baada ya mwanamfunzi mmoja kuwarushia polisi waliokuwa eneo hilo chupa ya maji,lakini polisi hapa pamoja na kuchokozwa walikuwa wapole na kujaribu kuangalia hali ya usalama zaidi.

Wanafunzi wa chuo cha UDSM-Ardhi wakiwa wamekusanyika kwenye jengo lao la utawala na kuanza kuimba nyimbo zao,huku wakidai posho yao iongezewa kutoka shilingi 5,000/= mpaka 10,000/=

Baadhi yao walikuwa na mabango yao kama hivi pichani

Wanafunzi hao wakiandamana kuelekea jengo lao la Utawala mapema leo mchana.

wakiwa wako tayari kwa lolote.

Wakiwa wameblock moja ya njia kuu ya kuingilia chuo kikuu UDSM kupitia Ardhi,hakuna aliyeruhusiwa kuingia wala kutoka kwa muda ule,kufuatia vurugu za wanafunzi wa chuo hicho walipokuwa wakitaka kufanya maandamano ya kudai madai yao,ambayo wamekuwa wakiyaeleza kuwa ni ya msingi.

Chini ni VIDEO ya tukio hilo.

HALI HII INATISHA KWA NCHI ILIYOBARIKIWA KILA AINA YA RASILIMALI.

2011-02-04T13:53:00.004+03:00

Hii ni foleni ya maji huko Kigonzile katika korongo la mto Mchambawima mto unaomwaga maji ya vyooni

Mto mchambawima unaotumika kupata huduma ya maji huko Kigonzile

Mwananchi akichota maji hayo,wanayotumia kwa shughuli mbalimbali za kila siku kama kupikia,kunywa,kufullia,kuoga n.k.

Hata kunywa tunakunywa haya haya

TAARIFA YA HABARI YASOMWA KIZANI NEPAL.

2011-02-04T13:34:00.000+03:00

''Ifuatayo ni taarifa ya habari ikisomewa gizani, kwa kuwa umeme umekatwa.''

Mojawapo wa vituo vikuu vya televisheni nchini Nepal kimeanza kutangaza taarifa zake za habari za usiku katika mazingira ya nusu kiza ili kubainisha athari za ukataji mkubwa wa umeme.

Tangu mwanzoni mwa mwezi wa February, kituo cha televisheni cha Kantipur kimetumia taaa zinazotumia mafuta kutoa mwanga wakati wa taarifa yake ya habari ya dakika 30 saa moja usiku.

Mkuu wa kituo hicho alisema shabaha ni kutia shinikizo kwa serikali ikabiliane na tatizo hili.

Kwa sasa Nepal inakabiliwa na mpango wa kukata umeme kwa saa 12 kila siku.

"tunaitaka serikali izalishe umeme zaidi kwa haraka" mkuu wa Kantipur News Tirtha Koirala aliiambia BBC.

"hadi sasa watazamji wetu wamepokea vizuri hatua hii;lakini serikali bado haijasema chochote."

Licha ya kuwa na uwezo mkubwa wa kuzalisha umeme kutokana na mito, Nepal huzalisha nusu tu ya mahitaji yake ya umeme.

Miaka kumi ya vita vya wenyewe kwa wenyewe kati ya waasi wa Kimao na serikali ya Nepal vilivyomalizika mnamo mwaka 2006, imemaanisha uwekezaji mdogo sana katika sekta ya umeme ya Nepal.

Juu ya yote hayo mtandao wa kusambaza umeme nchini uliathiriwa vibaya sana baada ya kuharibiwa na mafuriko ya mto Kosi mnamo mwaka 2008.

Hii imesababisha kuwepo na mgawo wa umeme kuwa ni jambo la kawaida katika maisha ya kila siku.

Tatizo ni kubwa zaidi katika majira ya baridi ambapo ukosefu wa mvua na kina cha chini cha mito inamaanisha mabwawa yaliyopo hayawezi kuendesha shughuli zao kikamilifu.

Mamlaka ya nguvu za umeme ya Nepal yanayomilikiwa na serikali yamesema kuwa nchi inaweza kutazamia kukatwa umeme kwa kipindi cha saa 14 kila siku katika muda wa wiki chache zijazo.

"tunasumbuka sana kwa sababu ya mgawo wa umeme ," amesema Bwana Koirala .

"Takriban wanafunzi 400,000 hivi sasa wanajitayarisha kwa mtihani wa shule za sekondari na hawana mwanga wowote wa taa usiku".

"Halikadhalika wafanyibiashara wadogo wadogo ambao hawawezi kumudu jenereta au kifaa cha "inverter"nao pia hawawezi kuendesha shughuli zao."

Bwana Koirala alisema taarifa za habari za kituo chake zitaendelea kutangazwa katika mazingira ya kiza mpaka serikali itakapochukua hatua .

MWANAMUME AJILIPUA KWA PETROLI DAR

2011-02-04T13:28:00.000+03:00

YUSUPH Msemwa (35 - 40), mkazi wa Mbezi Juu, amekufa baada ua kujimwagia mafuta ya petrol kisha kujilipua kwa kiberiti.Kabla ya kufanya tukio hilo, mwanamume huyo alindika ujumbe wa maandishi uliokuwa ukiituhumu familia yake kwa madai kuwa wameshindwa kumsaidia wakati uwezo wanao.
Kamanda wa Polisi Mkoa wa Kinondoni, Charles Kenyela, amesema tukio hilo limetokea jana saa 2 usiku, Mbezi Juu Kinondoni.

Amesema marehemu huyo ameacha ujumbe unaosema amechoshwa na madeni ambayo yalikuwa sh. 700,000 ambayo sasa yamefikia sh. 1,300,000 ambapo pia aliandika namba ya kesi ya madai hayo.

Pia alielezea kuwa anadaiwa kodi ya nyumba ambayo alitakiwa kuhama Janauri 31, mwaka huu baada ya mkataba wake kumalizika.

Ujumbe huo uliongeza kuwa pamoja na matatizo hayo ndugu zake wameshindwa kumsaidia kwa lolote likiwamo deni analodaiwa na benki.

Maiti imehifadhiwa chumba cha maiti Hospitali ya Mwananyamala na Polisi wanaendelea na uchunguzi zaidi.

Wakati huohuo, Mwanafunzi Consolata Kumwenda (7-8), amekufa baada ya kugongwa na gari T 771 AZT aina ya Toyota Corona iliyokuwa ikiendeshwa na Patrick Rutu (47), mkazi wa Kimara Baruti, ambaye ni Meneja Mradi wa Viwanja vya Serikali Kibaha.

Kamanda Kenyela amesema ajali hiyo imetokea jana saa 4 asubuhi eneo la Kibamba Barabara ya Morogoro, wilaya ya Kinondoni.

Ajali hiyo imetokea wakati mtoto huyo akivuka barabara ambapo alipata majeraha kichwani na alifariki wakati akikimbizwa Hospitali Teule ya Tumbi kwa matibabu.

Maiti imehifadhiwa chumba cha maiti Hospitali ya Mwananyamala.

UGUMU WA MAISHA:-AJERUHI MKE BAADA YA KUOMBWA FEDHA YA CHAKULA.

2011-02-04T13:23:00.000+03:00

GEOFFREY Kimati (30), mkazi wa Kinondoni, amepandishwa kizimbani kwa kosa la kumjeruhi mkewe kwa kiatu baada ya kuomumba fedha ya chakula Mshitakiwa huyo alipandishwa jana katika mahakama ya Mwanzo Kinondoni akikabiliwa na shitaka hilo la kujeruhi.

Akisoma shitaka hil o Mahakamani hapo,mbele ya hakimu Hanifa Mwingira,Karani Sharifa Dunia alidai kuwa mtuhumiwa alitenda kosa hilo Januari 30, mwaka huu katika maeneo ya Leaders.

Alidaiwa kuwa siku ya tukio mshitakiwa aliombwa fedha ya chakula na mkewe, hivyo alikasirika na kuanza kumpiga ngumi na mateke na baadaye kutumia viatu vyake kumjeruhi katika sehemu zake za mwili na kumsababishia maumivu makali.

Hata hivyo mshitakiwa huyo alikana shitaka hilo, alikuwa huru kwa dhamana na kesi hiyo itarudi tena, Februari 17, mwaka huu kwa kutajwa.

AJIUA BAADA YA KUFELI KIDATO CHA NNE.

2011-02-04T13:19:00.000+03:00

MWANAFUNZI Diana Roman (18) mkazi wa Kibamba jijini Dar es Salaam, aliyehitimu katika Shule ya Sekondari Yusuph Makamba amejiua kwa kughadhibika na majibu yaliyomuonyesha amefeli matokeo ya kidato cha nne. Diana aliamua kunywa sumu ya dawa ya Kunguni baada ya kughadhibika na matokeo hayo.

Taarifa ilisema kuwa, siku ya tukio marehemu alikuwa ametoka kusali na aliingia chumbani kwake na kuamua kujifungia na kunywa sumu ya Kunguni.

Ilidaiwa kuwa baada ya muda mama yake aliyetambulika kwa jina la Anna aliingia chumbani kwake na kumkuta akiwa amelala chini ndipo aliposhtuka na kuangalia juu ya kabati hakuikuta sumu hiyo mahali alipokuwa ameihifadhi.

Mama wa marehemu huyo alidai kuwa Diana awali aliwahi kunywa sumu hiyo na walimuwahi kwa kumnyang’anya na siku hiyo ndipo alikunywa bila kuonekana na kupoteza uhai wake.

Imedaiwa juhudi za karibu hazikufanikiwa kuokoa maisha ya Diana kwa kuonyesha juhudi za kumpa maziwa lakini sumu hiyo iliweza kummaliza na alifariki wakati walipokuwa wakimkimbiza hospitali ya Tumbi.

SIKU 100 ZA RAIS KIKWETE,MIGOMO KILA KONA.

2011-02-04T13:14:00.000+03:00

Mh.Jakaya Mrisho Kikwete,Rais wa Jamhuri ya Muungano wa Tanzania.

WAKATI Rais Jakaya Kikwete akitafakari changamoto na mafanikio yake katika siku 100 tangu aingie madarakani katika kipindi cha pili cha Urais wake, uchunguzi unaonesha kuwa utawala wa awamu ya pili umegubikwa na misukosuko zaidi inayotokana na migomo.

Rais Kikwete anakabiliwa na changamoto ambazo zaidi zinatokana na ukali wa maisha huku wengine wakiilaumu Serikali kuhusu ulipaji wa fidia ya sh. bilioni 94 kwa kampuni ya ufuaji umeme wa dharura ya DOWANS, kwa kile kilichodaiwa kukiuka mkataba.

Moja ya migomo hiyo ni ile inayofuatana siku kwa siku ya vyuo vikuu ambapo leo asubuhi pia Chuo Kikuu Dar es Salaam sehemu ya Mlimani kimefanya maandamano kudai nyongeza ya posho kutoka sh. 5,000 ya sasa hadi 10,000.

Kutokana na hali hiyo, Kikosi cha Kutuliza Ghasia (FFU) kimelazimika kulinda chuo hicho ili kuhakikisha amani na utulivu vinazidi kutawala katika chuo hicho.

Maandamano hayo ambayo yalianza leo asubuhi yalisababisha Barabara ya Sam Nujoma kufungwa pamoja na ile inayoingia Chuo Kikuu Mlimani.

Wakizungumza kwa jazba chuoni hapo, wanafunzi hao wamesema wamechoshwa na posho hiyo ndogo hivyo wanataka kwenda hadi Ikulu kukutana na Rais Jakaya Kikwete kumweleza kero yao.

Wamesema hata kama hawana kibali wataendelea na maandamano yao kwa kuwa ni ya amani.

Akizungumzia tukio hilo, Kamanda wa Polisi Mkoa wa Kinondoni, Charles Kenyela, amesema hadi sasa wanafunzi 15 wamekamatwa kuhusiana na vurugu hizo.Amesema wanafunzi hao wamekiuka sheria kwa kuwa walitakiwa kupeleka madai yao kwa uongozi wa shule na si barabarani kama ambavyo wamefanya.

Hata hivyo, polisi walilazimika kuendelea kuwapa ulinzi wanafunzi hao walikuwa wakielekea Ikulu.

Polisi wamelazimika kutumia maji ya kuwasha baada ya wanafunzi hao kuanza kurusha mawe hali ambayo ilileta tafrani kwa wapita njia na waandamanaji hao.Kuona mambo yanazidi polisi walilazimika kuwatanya waandamaji hao kwa kutumia mabomu ya machozi ambayo yalizidi kuleta tafrani kwa waandamanaji hao na wapita njia ambao kila mmoja alikuwa akitafuta pa kukimbilia.

Kuandamana kwa wanafunzi hao ni mara ya pili sasa ndani ya wiki hii ambapo jana Chuo Kikuu cha Tumaini kitivo cha Sheria Kampasi ya Kurasini kiligoma kushinikiza kupunguzwa kwa ada.

Kuandamana kwa wanafunzi hao pia kunafanya vyuo Vikuu vyote vya nchini kuingia ndani ya historia ya migomo ambapo hivi karibuni Chuo Kikuu cha Dodoma (UDOM), Mkwawa, St.John na Chuo Kikuu cha Elimu(DUCE).

Chuo Kikuu Kishiriki cha Makumira (Arusha), Chuo Kikuu cha Tumaini,(Iringa), Chuo Kikuu cha Ruaha (Iringa), Chuo cha Kiislam (Morogoro),Chuo cha Biashara cha IFM na Chuo Kikuu cha Uganda (Kampala University).

Pia Chama Cha Wananchi(CUF), nacho kimeandaa mgomo ambao utafanyika wiki ijayo kwa ajili ya kupinga malipo ya fidia ya DOWANS.

VIDEO-WAANDAMANAJI WALIVYOKANYAGWA KANYAGWA NA GARI

2011-02-01T19:21:00.001+03:00

Wananchi wa Venezuela walioamua kuandamana na kufunga barabara kwa vizuizi mbalimbali ili kupinga ugumu wa maisha unaowakabili, walikumbana na kitu wasichokitegemea baada ya dereva wa basi la abiria kuamua kuwagonga na kupita huku akiacha watu wengi

Waandamanaji wa nchini Venezuela waliamua kufunga barabara kwa vitanda, magodoro na vitu mbalimbali ili kufikisha ujumbe wa kilio chao cha maisha magumu yanayowakabili.

Waandamaji waliamua kuandamana ili kuishinikiza serikali iwatafutie makazi kutokana na kwamba wamekuwa wakiishi kwenye mahema tangia mwezi novemba mwaka jana baada ya mafuriko makubwa kuikumba Venezuela.

Hali ya kutisha ilipotokea wakati dereva wa basi kubwa la abiria alipoamua kuvigonga vizuizi na kuwagonga watu waliokuwa mbele ya vizuizi hizi na kupelekea watu wanne kupondwa pondwa na matairi ya gari hilo.

Vilio na makele vilisikika baada ya ajali hiyo ambapo baadhi ya waandamanaji waliamua kulishambulia basi hilo.

Taarifa zilisema kuwa hakuna aliyefariki katika ajali hiyo lakini majeruhi waliwahishwa hospitali hali zao zikiwa mbaya sana.

Chini ni VIDEO ya ajali hiyo mbaya.

SHERIA MPYA-MGENI ILI KUOA NCHINI TAJIKISTAN NI LAZIMA UMNUNULIE NYUMBA MWANAMKE.

2011-02-01T19:18:00.000+03:00

Miongoni mwa warembo wa Tajikistan

Wanaume wote raia wa kigeni watakaotaka kuwaoa wanawake wa nchini Tajikistan watalazimika kuzifungua waleti zao na kuwanunulia nyumba wake zao kabla ya ndoa kwa mujibu wa sheria mpya iliyopitishwa na bunge la nchi hiyo leo.

Kuanzia leo mwanaume yeyote ambaye si raia wa Tajikistan ambayo zamani ilikuwa sehemu ya Urusi, atalazimika kumnunulia nyumba mwanamke anayetaka kumuoa kama sharti kubwa la kwanza kabla ya harusi.

Hiyo ni kwa mujibu wa sheria mpya iliyopitishwa leo na bunge la nchi hiyo ambapo sharti kubwa lingine lililopitishwa ni kwamba mwanaume atalazimika kukaa mwaka mmoja nchini humo kabla ya kupewa kibali cha kuruhusiwa kuoa.

Watunga sheria wa Tajikistan wamesema kuwa sheria hiyo mpya itasaidia kuwalinda wanawake wanaotelekezwa na waume zao raia wa kigeni.

"Baada ya ndoa kuvunjika, majukumu ya kuwalea watoto huangukia kwa mama na serikali", alisema mwakilishi wa rais bungeni, Dzhumakhon Davlatov.

Davlatov aliongeza kuwa kupitishwa kwa sheria hiyo kutasaidia kupunguza idadi ya wanaume watakaowatekeleza wake na watoto wao.

Wanaume wengi toka Afghanistan na Iran, ndio wanaoongoza kwa kuoa wanawake wa Tajikistan ingawa katika miezi ya karibuni kumekuwa na ongezeko la wanaume wengi toka nchi za barani ulaya, Marekani na Japan wanaooa wanawake wa Tajikistan.

Tajikistan ni nchi maskini iliyokuwa miongoni mwa nchi zilizounda Umoja wa Sovieti na uchumi wake umetetereka tangu mwaka 1990 kutokana na matatizo ya kisiasa na vita vya wenyewe kwa wenyewe.

TORRES SASA NI MALI YA CHALSEA,AVUNJA REKODI UINGEREZA.

2011-02-01T19:11:00.001+03:00

Fernando Torres
CHELSEA imevunja rekodi ya usajili wa England, baada ya kumnasa Fernando Torres kutoka Liverpool kwa pauni milioni 50.Mshambuliaji huyo wa kimataifa kutoka Hispania mwenye miaka 26, amemwaga wino wa kuichezea Chelsea miaka miatano na nusu.

"Huu ni mkakati wa kila mchezaji kutaka kuchezea klabu moja kubwa duniani," alisema.

"Chelsea ni moja ya klabu kubwa barani Ulaya na kila wakati inapigania kila kitu."

Usajili huo umefanyika muda mfupi kabla ya dirisha la usajili la Januari kufungwa, huku Chelsea na Liverpool zikihusika kwa wachezaji wanne wakubwa.

Anfield walikuwa na kazi ya kuziba nafasi ya Torres kwa kumsajili mshambuliaji kutoka Uruguay, Luis Suarez, aliyekuwa akiichezea Ajax kwa pauni milioni 22.7 na Andy Carroll kutoka Newcastle kwa pauni milioni 35.

Chelsea, pia imemnasa beki wa Benfica David Luiz, kwa ada ya pauni milioni 21.3.

Wachezaji waliowahi kuweka rekodi ya uhamisho ni Cristiano Ronaldo kwa pauni milioni 80, kutoka Man Utd kwenda Real Madrid , Julai 2009.

Zlatan Ibrahimovic kwa pauni milioni 56.5, kutoka Inter Milan kwenda Barcelona Julai 2009, Kaka kwa pauni milioni 56 kutoka AC Milan kwenda Real Madrid Juni 2009.

MUME ADAI KUPANGIWA KAZI YA KUPIKA NA MKEWE.

2011-02-01T19:03:00.000+03:00

Robert Kipanga (29),mkazi wa Buguruni Madenge, amekana kuiba sh.1,000 ya mkewe na kudai kuwa alichukua fedha hiyo kwa ajili ya kununulia mahitaji ya jikoni kwa kuwa mkewe alimuachia kazi ya kupika chakula kwa siku hiyo.

Mshitakiwa aliyadai hayo mbele ya Hakimu Jamilah Ramadhani wa Mahakama ya Mwanzo Buguruni.

Amedai kuwa, siku ya tukio mkewe alichoka kupika na kumuomba yeye amsaidie kupika chakula cha mchana naye alikubali.

Amedai alipokuwa akipika ugali mkewe aliondoka nyumbani naye akagundua kupungukiwa na baadhi ya mahitaji ya jikoni hivyo alichukua fedha hiyo kwa ajili ya kununua kile alichokihitaji.Amedai kabla hajaenda dukani,mkewe aligundua kutoweka kwa fedha hiyo, hivyo alianza kumdai naye akamrudishia kisha akamuomba fedha hiyo mkewe ili akanunue kitu alichokuwa na shida nacho.

Baada ya kuomba kwa muda mrefu mkewe alimwambia amsubiri akamchukulie alipotoka nje alirudi na Polisi akamkamata.

Kwa upande wake mlalamikaji amedai kuwa yeye ni mfanyabiashara wa mitumba ya kutembeza majumbani, pesa huwa anaipata kwa shida na kwamba mumewe amezoea tabia hiyo.

Hati ya mashtaka iliyosomwa na karani Karim Wenge imedai kuwa, Januari 12 mwaka huu, saa 6 mchana, Buguruni Madenge, mshitakiwa aliiba sh. 42,000 zilizokuwa chumbani mali ya mkewe Sara Goshoka.

Mshitakiwa amekana mashtaka na kesi hiyo itatajwa tena Februari 2, mwaka huu.

WAANGUA VILIO BAADA YA KUGUNDUA WAME FAIL MTIHANI WA KIDATO CHA NNE.

2011-02-01T18:59:00.000+03:00

WASICHANA wawili waliomaliza katika shule ya sekondari Mtinko mkoani Singida wamejikuta wakiangua kilio mara baada ya kuona matokeo yao katika ofisi za Internate Cafe. Wasichana hao walifika katika ofisi hiyo jana majira ya jioni na kuomba msaada ya kuangaliziwa matokeo yao ya kidato cha nne.

Wakati wakiangaliziwa matokeo hayo huku wakiwa na shauku ya kufahamu matokeo hayo, ndipo walipofanikiwa kuona majina yao na alama zao walizopata na ndipo ghafla kelele za mayowe zilisikika katika chumba hicho na kuwaacha wateja wengine waliokuwa katika chumba hicho kushutuka kutokana na mayowe hayo.

Mara baada ya mayowe hayo binti mmoja alianza kulia kwa kugundua kufeli mitihani hiyo na kuambulia failed yenye alama ya pointi 35 na mwingine nae alimuunga mkono mwenzake kwa kuangulia kilio kwa kugundua kupata division four ya 31.

Hata hivyo wasichana hao waliweza kupewa ushauri kidogo na watu waliokuwa mahali hapo na kutakiwa kujipanga upya kurudia mitihani hiyo kwa kuweka juhudi zaidi.

Hata hivyo mabinti hao waliweza kuiambia nifahamishe kuwa walifeli mitihani hiyo kwa kuwa walikuwa wanakabiliana na changamoto mbalimbali ikiwemo ya kutomaliza silabasi, upungufu wa walimu na nyingine nyingi walizoorodhesha kutoka vinywani mwao.

Matokeo ya mwaka huu yanaonyesha nusu ya watahiniwa wamefeli mitihani hiyo iliyofanyika Oktoba mwaka jana nchini kote kwa kupata sifuri na hivyo kutoweza kupewa vyeti vya kumaliza kidato cha nne.

ATOWEKA NYUMBANI BAADA YA KUPATA SIFURI KTK MTIHANI WA KIDATO CHA NNE.

2011-02-01T18:54:00.001+03:00

Nembo ya Baraza la Mitihani Tanzania(NECTA)

JENIFFER SAMSON (18) muhitimu katika shule moja ya kata jijini Dar es Salaam, amelazimika atoweke nyumbani kwao mwanzoni mwa wiki hii toka alipopata matokeo yake ya kidato cha nne yaliyoonyesha amefeli mitihani hiyo.

Chanzo cha habari hii kilisema msichana huyo alitoweka nyumbani hapo kwa kuhofia wazazi wake waliomtahadharisha juu ya mitihani hiyo na walimuahidi akifeli watampa adhabu kali.

Hivyo imedaiwa kuwa Jennifer hadi kufikia jana jioni alikuwa haijafahamika alikuwa wapi kutokana na hofu hiyo ya aibu.

VIDEO-CHUI AINGIA MJINI NA KUSHAMBULIA WATU.

2011-02-01T18:44:00.000+03:00

Polisi akimuua chui aliyeleta kizaa zaa kwa kumtandika risasi

Ilikuwa ni patashika nguo kuchanika wakati chui alipoingia kwenye makazi ya watu nchini India na kukasirishwa na watu waliokuwa wakimtupia mawe na kuanza kumshambulia kila mtu aliyekaa mbele yake.

Ilikuwa ni majira ya saa 10 alfajiri wakati chui mkubwa alipoonekana juu ya paa la nyumba ya mtu katika maeneo ya mji wa Karad.

Patashika la chui huyo lilidumu kwa masaa manane ambapo watu walikuwa wakimshambulia kwa mawe chui huyo ambaye naye alijibu mapigo kwa kuwararua watu.

Chui huyo aliwashambulia watu sita kabla ya kuuliwa na polisi kwa kupigwa risasi baada ya kumwangusha chini na kuanza kumshambulia babu mmoja mlevi alipokuwa akitoka baa majira ya saa sita mchana.

"Baadhi ya watu walimrushia mawe huku wakipiga kelele na ndipo chui huyo alipoamua kumshambulia kila aliyekuwa mbele yake", alisema mkazi mmoja wa Karad.

Polisi walijaribu kupiga risasi hewani kumtisha chui huyo lakini hali ilipozidi kuwa mbaya waliamua kumtandika risasi mbili na kumuua chui huyo.

Chini ni VIDEO za tukio hilo.

CHUPUCHUPU KUTUPWA JELA BAADA YA KUBUSU MAKALIO YA MKEWE.

2011-02-01T18:39:00.000+03:00

Mwanaume mmoja wa nchini Australia ambaye kutokana na pombe alizokunywa aliamua kumvua kinguvu mkewe nguo zake na kumbusu makalio yake, amenusurika kutupwa jela kwa kufanya shambulizi la kijinsia.

Mwanaume huyo ambaye jina lake halikutajwa kutokana na sababu za kisheria mwenye umri wa miaka 48, alikiri kosa lake na kuomba msamaha na hivyo kunusurika kutupwa jela kutokana na kitendo chake cha kuyabusu makalio ya mkewe

Mahakama ya mji wa Hobart katika kisiwa cha Tasmania nchini Australia, ilimuona mwanaume huyo ana hatia ya kufanya shambulizi la kijinsia kwa mkewe kwa kumvua nguo kinguvu na kuyabusu makalio yake.

Mahakama iliambiwa kuwa mwanaume huyo akiwa amelewa alienda nyumbani kwa mke wake aliyetoroka nyumbani kwake ili waweze kuongea na kumaliza tofauti zao.

Mkewe alikuwa amelala kitandani na mara mbili mwanaume huyo alimwambia mkewe alale kifudifudi lakini alipokataa alitumia nguvu kumpindua na kumvua nguo zake za ndani kabla ya kuanza kuyabusu makalio yake huku mkewe akipiga kelele za "No, No".

Wakati watoto wao walipokimbilia chumbani kuona nini kimemtokea mama yao, mwanaume alitoa maneno ya kashfa.

Wakati alipofunguliwa mashtaka ya shambulizi la kijinsia na mkewe na kuhojiwa na polisi, mwanaume huyo alikiri kosa lake na kumuomba msamha mkewe.

Mwanaume huyo alijitetea kuwa aliamua kumbusu mkewe makalio kwa kufikiria kuwa kitendo hicho huenda kikaamsha tena cheche za mapenzi yao.

Hakimu Olivia McTaggart akitoa hukumu alisema kuwa mwanaume huyo anastahili kutupwa jela lakini aliamua kumhukumu kifungo cha nje cha miaka mitatu kwa masharti ya kutofanya tena shambulizi la kijinsia.

JOGOO AMUUA MMILIKI WAKE BAADA YA KUMLAZIMISHA KUPIGANA

2011-02-01T18:33:00.000+03:00

Jogoo mwenye hasira amelipa kisasi kwa kumuua mmiliki wake aliyekuwa akimlazimisha aingie ulingoni kupigana na jogoo mwenzake katika kamari ya kupiganisha kuku nchini India.

Jogoo huyo kwa kutumia viwembe vilivyokuwa vimefungwa kwenye miguu yake wakati wa kupiganishwa na jogoo mwingine, alimrukia mmiliki wake na kulirarua koromeo lake na kupelekea kifo chake hapo hapo.

Taarifa zilisema kuwa jogoo huyo alimuua mmiliki wake aliyetambulika kwa jina la Singrai Soren ambaye alikuwa akimlazimisha jogoo huyo arudi tena ulingoni kupambana na jogoo mwingine baada ya kushinda pambano lake la kwanza.

Taarifa zaidi zilisema kuwa kwa kawaida jogoo hupumzishwa kwa zaidi ya lisaa limoja kabla ya kupambanishwa na jogoo mwingine.

Lakini Soren kwa tamaa ya kujiingizia pesa nyingi kila jogoo wake anaposhinda alimlazimisha jogoo huyo arudi tena ulingoni ndani ya dakika chache na ndipo jogoo huyo alipomaliza hasira zake kwa kulirarua koromeo lake.

Katika kamari hiyo ya kupiganisha kuku, mmiliki wa kuku anayeshinda hupewa zawadi ya pesa sawa na TSh. 60,000/= pamoja na kupewa kuku aliyeuliwa kwenye pambano hilo kama kitoweo.

Maafisa wa polisi katika kijiji cha Mohanpur, Bengal wameanza msako wa kumtafuta jogoo huyo aliyeshinda mapambano manne hadi sasa ili waweze kumvua viwembe alivyovalishwa kwenye pambano lake la kwanza kabla hajamrarua mtu mwingine.

VIDEO-DEREVA WA BASI LA ABIRIA AFANYA MADAVIDAVI HUKU AKIENDESHA BASI.

2011-02-01T18:29:00.000+03:00

Dereva huyu wa nchini Marekani huenda akapoteza kazi yake kutokana na kitendo chake cha kuendesha basi la abiria huku akiwa amempakata mpenzi wake kwenye mapaja yake.

Timothy Carpenter dereva wa basi la abiria Detroit, Marekani yuko kwenye hatari ya kufukuzwa kazi kutokana na kitendo chake cha kushindwa kujishughulisha na kazi ya udereva pekee na kuingiza mapenzi wakati akiendesha gari.

Abiria wa basi hilo walipigwa na butwaa kumuona dereva wa basi akiwa amempakata mpenzi wake huku akiliendesha basi hilo.

Video ya tukio hilo iliyonaswa na mmoja wa abiria aliyechukizwa na kitendo hicho ilimuonyesha wazi dereva huyo akiendesha gari huku mpenzi wake akiwa amemkalia mapajani.

Video hiyo pia ilimuonyesha dereva hiyo na mpenzi wake wakinyweshana soda huku basi hilo likiwa kwenye mwendo.

Dereva wa basi hilo amesimamishwa kazi kwa muda wa siku 30 huku uchunguzi zaidi ukiendelea na huenda akafukuzwa kabisa kazi hiyo.

Chini ni VIDEO ya tukio hilo.

MAZISHI YA SHOGA WA UGANDA YAZUA MZOZO.

2011-02-01T18:23:00.000+03:00

Mazishi ya shoga wa nchini Uganda David Kato ambaye alikuwa mwanaharakati wa kutetea haki za mashoga wenzake nchini humo, yalikumbwa na balaa baada ya mchungaji kuwaambia waombelezaji wa msiba kuwa ushoga ni dhambi na wanaume waache kujigeuza wanawake.

Hasira zilitanda miongoni mwa mashoga na wasagaji wa nchini Uganda ambao walihudhuria mazishi ya David Kato, shoga mwanaharakati wa kutetea haki za mashoga nchini Uganda ambaye aliuliwa nyumbani kwa kushushiwa kipigo cha nguvu na watu wasiojulikana.

Wakati misa ya mazishi ikiendelea, mchungaji aliyekuwa akiendesha misa hiyo aliwageukia waombelezaji na kuwaambia kuwa ushoga na usagaji ni dhambi na hivyo watu wanaofanya vitendo hivyo watubu na kumrudia Mungu au la watakumbana na adhabu kali za Mungu.

Mchungaji Thomas Musoke akimalizia misa ya David Kato aliyeuliwa siku ya jumatano nyumbani kwake kwa kusema "Dunia inaelekea kubaya, watu wanayapa mgongo maandiko, wanalazimika kuacha mchezo wanaoufanya na kumrudia Mungu, huwezi kumtamani mwanaume mwenzako".

Ghafla mmoja wa mashoga alinyanyuka na kumfokea Mchungaji Musoke, "Hatujaja hapa kupigana", alisema huku mwanamke mmoja msagaji akiibuka na kusema "Wewe sio mtu wa kutujaji sisi, Kato ameenda kwa Mungu wake aliyemuumba Sisi ni nani mpaka tumhukumu Kato?".

Mchungaji Musoke alinyang'anywa maikrofoni na kuanza kusukumwa sukumwa na kuwafanya polisi waliokuwepo kwenye mazishi hayo waingilie kati na kumuondosha eneo hilo.

Kifo cha Kato kimekuwa gumzo kwenye vyombo vya habari vya magharibi ambapo taasisi za kutetea mashoga na wasagaji zimekuwa zikilaani kuuliwa kwake. Hata hivyo nchini Uganda habari za kuuliwa kwake hazijapewa kipaumbele.

Kato alikutwa ameuliwa ndani ya nyumba yake mjini Kampala baada ya kushushiwa kipigo cha nguvu na watu wasiojulikana.

Kato alijipatia umaarufu nchini Uganda baada ya kulifikisha mahakamani gazeti la Rolling Stone kwa kuitoa picha yake kwenye gazeti na kumtangaza kuwa ni shoga.

Taarifa za awali zimesema kwamba watu ambao hawajajulikana walivamia nyumba yake na kumshushia kipigo kizito kilichopelekea kufariki kwake.

Polisi wamemkamata mshukiwa mmoja. Hata hivyo mshukiwa mkuu ambaye alikuwa ni mwanaume aliyekuwa akiishi nyumba moja na Kato bado anatafutwa na polisi baada ya kukimbia.

WAHUKUMIWA KIFO KWA KUENDESHA TOVUTI YA NGONO

2011-02-01T18:19:00.000+03:00

Wanaume wawili wa nchini Iran wamehukumiwa adhabu ya kifo kwa kutengeneza na kuendesha tovuti ya picha na video za ngono. Mahakama za nchini Iran zimewahukumu watu wawili adhabu ya kifo kwa kuendesha tovuti ya ngono, shirika la habari la Iran, IRNA limeripoti.

"Watu wawili waliokuwa wakisimamia tovuti mbili tofauti za ngono wamehukumiwa adhabu ya kifo na mahakama mbili tofauti, hukumu zao zimetumwa mahakama kuu ili zithibitishwe kabla ya kutekelezwa", lilisema shirika hilo la habari bila ya kutaja majina ya watu hao.

Mwezi disemba mwaka jana, serikali ya Canada ilielezea kusikitishwa kwake na raia wa Canada mwenye asili ya Iran kuhukumiwa kunyongwa kwa kutengeneza tovuti ya ngono.

Raia huyo wa Canada, Saeed Malekpour, 35, alipatikana na hatia ya kutengeneza na kuisimamia tovuti ya ngono ambalo ni kosa la kwenda kinyume na maadili ya kiislamu.

Malekpour alitiwa mbaroni nchini Iran mwaka 2008 baada ya kurudi nchini humo akitokea Canada ili kumuuguza baba yake ambaye alikuwa mgonjwa.

Alihukumiwa adhabu ya kifo mwezi disemba mwaka jana.

DUKA LAFANYA PROMOTION KWA KUDHALILISHA WATU NCHINI HISPANIA

2011-01-10T15:56:00.000+03:00

Wakiwa wamevaa nusu uchi mamia ya wakazi wa jiji la Madrid nchini Hispania walivumilia baridi kali na kupanga foleni kwa masaa kadhaa mbele ya duka ambalo lilikuwa likitoa nguo za bure kwa watu waliovaa nusu uchi.

Zaidi ya watu 200 wakiwa wamevaa nusu uchi walipanga foleni mbele ya duka ambalo lilikuwa lilitoa ofa ya nguo za bure kwa watu waliovaa vichupi tu.

"Njoo ukiwa umevaa nusu uchi na uondoke ukiwa umevaa nguo za bure", ndio maneno yaliyoandikwa kwenye matangazo ya duka la Desigual la mjini Madrid ambalo lilikuwa likipromoti bidhaa zake na kuanza msimu mpya wa mapunguzo ya bei katika msimu wa baridi.

Wanawake wakiwa wamevalia vichupi na sidiria tu huku wanaume wakiwa wamevaa chupi tu, walipanga foleni mbele ya duka hilo kwa masaa zaidi ya 12 wakisubiria nguo za bure.

Duka hilo lilitangaza kutoa nguo za bure kwa watu 100 wa kwanza kuingia ndani ya duka hilo wakiwa wamevaa nusu uchi.

Watu waliofanikiwa kuingia ndani ya duka hilo walijichagulia nguo mbili za bure na kuzivaa ndani ya duka hilo na kutoka bila ya kulipa chochote.

WANAWAKE TOKA CHINA WAGOMA KUONDOKA AFRIKA

2011-01-10T15:52:00.000+03:00

Wanawake 11 toka China ambao walidanganywa kuwa watapewa kazi nzuri nchini Ufaransa na matokeo yake kupelekwa nchini Kongo na kuzalazimishwa kufanya ukahaba, wamegoma kuiacha bishara hiyo na kurudi kwao wakidai wanapata pesa nyingi Afrika kuliko China.

Wanawake hao 11 toka China ambao walilaghaiwa na kulazimishwa kufanya ukahaba katika Jamhuri ya Kongo, wamegoma kuondoka nchini humo pamoja na jitihada za polisi na ubalozi wa China kuwaokoa toka kwenye ukahaba.

Polisi toka China walisafiri kwenda Jamhuri ya Kongo kuwaokoa wanawake hao baada ya kupewa taarifa kuwa wanawake hao wamepelekwa Afrika na kulazimishwa kufanya ukahaba tofauti na walivyoahidiwa kuwa wanapelekwa Ufaransa kufanya kazi nzuri za ofisini.

Kwa mujibu wa gazeti la South China Morning Post, wanawake hao walipelekwa nchini Jamhuri ya Kongo na kufanyishwa kazi ya ukahaba kwenye baa inayomilikiwa na raia mwenzao wa China iliyopo mjini Kinshasa.

Kwa ushirikiano wa polisi wa China na wenzao wa Jamhuri ya Kongo wanawake hao walipatikana mjini Kinshasa lakini waligoma kuondoka Afrika wakisema kuwa wanatengeneza pesa nzuri Afrika kuliko kwao nchini China.

"Wanalipwa dola 100 kwa kila mteja wanayemhudumia, wanachukua dola 50 na zinazobaki zinachukuliwa na bosi wao", alisema afisa wa polisi wa China, Yin Guohai.

Mbali ya kufanya ukahaba, wanawake hao waliweza kuingiza bidhaa za bei rahisi toka China na kuziuza kwa faida kubwa nchini humo, lilisema gazeti hilo.

Takribani Wachina 6,000 wanaishi na kufanya biashara mjini Kinshasa.

VIDEO-NG'OMBE MWENYE VICHWA VIWILI AZALIWA GEORGIA

2011-01-10T15:47:00.002+03:00

Ng'ombe mwenye vichwa viwili amezaliwa nchini Georgia na kuwa kivutio kikubwa kwa mamia ya watu na vyombo vya habari.

Ng'ombe mwenye vichwa viwili amezaliwa kwenye kijiji cha Abedad nchini Georgia.

Ng'ombe huyo ambaye alizaliwa januari mbili mwaka huu, ana macho manne na masikio matatu.

Ngomb huyo amekuwa maarufu katika kijiji cha Abedad ambapo mamia ya watu na waandishi wa habari wamekuwa wakienda kujionea wenyewe ng'ombe huyo.

Angalia video ya ng'ombe huyo chini.

AFARIKI DUNIA BAADA YA KUTUMBUKIA CHOONI

2011-01-10T15:42:00.002+03:00

Mwili wa marehemu Maneno ukiopolewa kutoka katika shimo la choo.

KIJANA Maneno Juma amefariki dunia baada ya kutumbukia kweye shimo la choo wakati akiwa katika harakati za kutengeneza choo hicho huko maeneo ya Ilala Bungoni jijini Dar es Salaam.

Marehemu Maneno alifika katika nyumba hiyo akiwa na vijana wenzake wengine wawili baada ya kupewa tenda ya kurekebisha choo hicho.

Hivyo imedaiwa kuwa wakati wakiwa katika harakati za utengenezaji wa choo hicho kwa bahati mbaya alitereza na kutumbukia katika shimo la choo hicho ambalo lilidaiwa lilikuwa limejaa kinyesi na maji.

Kwa kuwa shimo hilo lilikuwa limejaa maji hayo machafu na kinyesi hicho marehemu alipoteza maisha kwa kushindwa kujiokoa mwenyewe na juhudi za kuupata mwili huo zilifanyika mara baada ya kufika kwa waokoaji kutoka Halmashauri ya Jiji.

Waokoaji hao walinyonya maji taka na kinyesi toka kwenye shimo la choo la hicho ambapo walifanikiwa kuupata mwili wake.

Tukio hilo lilisikitisha watu wengi waliofika eneo hilo na baada ya kuona mwili huo ukitolewa shimoni humo huku ukiwa umetapatakaa kinyesi.

Watu wengi walikuwa wakimwaga machozi kwa kijana huyo kupoteza maisha yake akiwa katika harakati za kuisaka shilingi.

Mwili huo ulichukuliwa na kwenda kuhifadhiwa hospitali ya Amana.

LIFE GOES ON..

2011-01-10T15:33:00.001+03:00

MAPIGANO YALIYOTOKEA ARUSHA JANA

2011-01-06T13:30:00.000+03:00

DEREVA AMUUA MKANDARASI WA KICHINA

2011-01-06T13:19:00.000+03:00

*Agongwa na greda kichwani
*Kichwa chake chageuka chapati
*Chanzo ni kumwelekeza kazi

JESHI la Polisi Mkoani Manyara linaendesha operesheni kabambe ya kumsaka dereva Mwaisiga Emmanuel (22), kwa tuhuma za kugomnga hadi kumuua mkandarasi wa Kichina aliyekuwa akimuelekeza afanye kazi kwa ufasaha.

Akizungumza,Kamanda wa Polisi Mkoa wa Manyara, Parmela Sumari amesema kuwa, ajali hiyo imetokea Desemba 31, mwaka jana, saa 10 jioni.

Amesema kuwa, ajali hiyo ilitokea katika Barabara ya Babati iendayo Kateshi eneo la Kijiji cha Endagaw wilayani Hanang.

Amesema kuwa, mkandarasi huyo Giangao Ged (20), imedaiwa kuwa, alikuwa na kawaida ya kumuelekeza mara kwa mara dereva huyo kulima barabara vizuri jambo ambalo lilionekana kumkera dereva huyo na ndipo alipoamua kumpitishia greda kichwani mkandarasi na kufa papo hapo.

Kamanda Sumari amesema kuwa, dereva huyo alitoweka baada ya tukio hilo na upelelezi zaidi unaendelea ambapo uchunguzi wa awali wamebaini kuwa, Emmanuel ni mkazi wa Kigoma.

Amewataka wafanyakazi mbalimbali nchini kushirikiana na wageni katika kazi mbalimbali na kuacha tabia ya kusababishiana vifo au kuhatarisha maisha.

ASWEKWA RUMANDE KWA KUIBIWA MKE WAKE

2011-01-06T13:15:00.000+03:00

BWANA Jackson Cleophans (30) mkazi wa Buguruni, jana alishangaa kufikishwa mahakamani kwa kosa la unyang’anyi baada ya kupewa haki yake kwa kuwa yeye ndiye aliyenyang’anywa mke wake kwa kumfumania aliyemshitaki.

Mshitakiwa huyo alishangazwa kutiwa hatiani na mahakama ya Wilaya ya Ilala na kupewa kosa hilo.
Akitoa maelezo yake mahakamani hapo mbele ya Hakimu Luhwago, alidai siku ya tukio alifika eneo hilo kwa lengo la kumfumania mke wake aliyekuwa akifanya mapenzi na bosi wake aliyemtaja kwa jina la Farook Ahmed.

Alidai muda mrefu mke wake alikuwa akimlalamikia kuwa bosi wake huyo alikuwa akimtaka kimapenzi na kwa muda mrefu, hivyo siku hiyo alifika eneo la tukio na kukuta mke wake akiwa na bosi huyo katika hali ya kimapenzi na kuwapiga picha na kupeleka ushahidi wa kamera kituo cha polisi cha Msimbazi na mke wake alikamatwa.

Hivyo baada ya maelezo hayo hakimu anayesikiliza kesi hiyo aliutaka upande mashitaka ambao ulikuwa ukiongozwa na Mwendesha Mashitaka Daniel Buma, kufanyia upelelezi wa kina kuhusiana na hoja hizo na hakimu alisema endapo itakuwa kweli atamuachia mshitakiwa na kuwa huru.

Hati ya mashitaka ilisomeka kuwa Jakson na mwenzake Abraham Hassan (25) walifikishwa katika mahakama hiyo wakikabiliwa na mashitaka mawili likiwemo la unyang’anyi wa kutumia silaha na kujipatia mali zenye thamani ya Shilingi milioni 4.8 walipokuwa eneo la fumanizi.

Hati hiyo ilisomeka kuwa, washitakwia hao walifanya makosa hayo, Desemba 13 mwaka jana, majira ya saa 1 asubuhi katika mtaa wa Livingstone Kariakoo na kufanikiwa kuiba fedha taslimu Shilingi 250,000, dola za Marekani 1,400 na kompyuta mbili mali za Farooq Ahmed na kabla ya kujipatia mali hizo waliweza kumtishia mlalamikaji kwa silaha aina ya bastola.

Hata hivyo washitakiwa hao walikana mashitaka hayo na walipelekwa rumande kwa kukosa dhamana kwa kuwa mshitakiwa anayeshitakwia na kosa la wizi wa kutumia silaha huwa hana dhamana , kesi hiyo itarudi tena mahakamani hapo Januari 13 mwaka huu kwa kutajwa.

MKUU WA WILAYA ACHARAZWA BAKORA MBELE YA UMATI WA WATU

2011-01-06T13:09:00.000+03:00

Abraham Carrasco akicharazwa bakora

Ili asisahau ahadi alizozitoa wakati wa kampeni za uchaguzi, mkuu wa wilaya moja nchini Peru alimualika mtu amcharaze bakora mbele ya umati wa watu.

Kijana mmoja mwenye umri wa miaka 23 wa nchini Peru ambaye alichaguliwa kuwa mkuu wa wilaya alitumia njia ya aina yake ya kujikumbusha ahadi alizozitoa wakati wa kampeni wa uchaguzi.

Abraham Carrasco baada ya kuchaguliwa kuwa mkuu wa wilaya ya Chilca, aliamua kuwaita watu kushuhudia akicharazwa bakora kabla ya kula kiapo cha kuitumikia wilaya hiyo.

Mbele ya mamia ya watu waliokusanyika, mkuu huyo wa wilaya alicharazwa bakora tatu ili azikumbuke ahadi alizozitoa wakati wa uchaguzi.

Carrasco alimchagua mzee mmoja aliyekuwa akiheshimika katika wilaya hiyo ndio amcharaze bakora kabla ya kula kiapo.

"Usiwe mwizi", alicharazwa bakora ya kwanza, "Usiwe muongo", alicharazwa bakora ya pili "Usiwe mvivu", alicharazwa bakora ya tatu.

Baada ya kucharazwa bakora, Carrasco alimbusu mikono mzee aliyemchapa bakora na kisha kula kiapo cha kuitumikia vyema na kwa uadilifu wilaya hiyo.

Carrasco alisema kuwa ataihifadhi bakora iliyotumika ili iwe kumbukumbu yake kwa ahadi alizozitoa wakati wa kampeni za uchaguzi.

KIJANA AKIJITAFUTIA RIZIKI

2011-01-04T22:09:00.000+03:00

Mfanyabiashara wa ndoo za plastiki akiwa amepakia mzigo unaozidi uwezo wa baiskeli yake katika eneo la Tandika Mikoroshini jijini Dar es Salaam.

SAFARI YA MWISHO YA MWENZETU HUKO INDIA.

2011-01-04T20:00:00.003+03:00

Marehemu Shakir amezikwa Hyderabad India jana tarehe 3 January,2011 baada ya swala ya Magharibi.Hapa mwili wake ukipelekwa msikitini kwa ajili ya kuswaliwa

Akiingizwa msikitini kwa ajili ya kuswaliwa.

Wanafunzi wenzake,ndugu na jamaa walijitokeza kwa wingi kwenda kumzika ndugu yatu,hapa wakiwa nje ya msikiti kusubiri mwili wa marehemu kufanyiwa ibada.

Hapa ndugu na jamaa wakimpeleka marehemu shakir kwenye nyumba ya kila mmoja wetu.

Walijitokeza pia wanafunzi wengi wa nchi mbalimbali Wakenya ,Wasomali Wasudan,Wadjobuti,Afghanstan,Wahindi kwa ajili ya kwenda kumzika marehemu Shakir.Kwa hakika marehemu alikuwa akipendwa na watu wengi.

Hapa ndipo alipozikwa marehemu Shakir,tunamuomba Mmungu aiweke roho ya ndugu yetu mahali pema peponi,Amin

Baada ya maziko wanafunzi na marafiki mbalimbali walirudi nyumbani ambapo mazishi yalifanyika ,kwa ajili ya maombezi mengine ya ndugu yetu.

www.kaparama.blogspot.com,inawapa pole ndugu,jamaa,marafiki,pamoja na wanafunzi wote wa Kitanzania waliyopo nchini India kwa kipindi hiki kigumu kwao,kwa kuondokewa na mpendwa wao.Ila muhimu kilichobaki kwetu kwa sasa ni kuzidi kumuombe dua kwa wingi marehemu,kwani kwa Muumba sote tutarejea

Mwenyezi Mungu ailaze roho ya marehemu mahali pema peponi,
Amin.

MSIBA WA MTANZANIA MWENZETU INDIA

2011-01-04T19:44:00.002+03:00

Marehemu shakir Hamdoun Al-marhubi
Marehemu alikuwa ni mwanafunzi wa chuo kikuu cha Osmania UNIV,kilichopo Hyderabad,alikuwa anasoma kozi ya BCA (post graduate)
Marehemu alikutwa nyumbani kwake amefariki dunia lakini mpaka sasa taarifa za kifo chake hazijajulikana ,mwili wa marehemu umepelekwa Gandhi hospital kwa uchunguzi zaidi

Marehemu mwenye shati nyekundu akiwa na rafiki zake huko Hyderabad

Marehemu wa pili kutoka kulia enzi za uhai wake

Marehemu aliyevaa Tshirt ya njano (fly emirate) akiwa na marafiki zake enzi za uhai wake

Marehemu wa tatu kutoka kushoto akiwa kwenye sherehe ya mahafali ya wa wanafunzi wenzake wa Kitanzania

OTEN FT IMEX-AKIPENDACHO BINTI

2011-01-03T00:49:00.000+03:00

MAKOVU YA UGUMU WA MAISHA YA 2010 KWA WATANZANIA YAZAA VIDONDA SUGU 2011

2011-01-03T00:47:00.000+03:00

WAKATI Watanzania wanauaga mwaka 2010 kwa maumivu ya mitikisiko ya uchumi, wanaukaribisha mwaka 2011 kwa majonzi kutokana na kuanza machungu ya kupanda kwa gharama za nishati kama vile umeme, gesi na hata bidhaa za petroli.

Shirika la Umeme Tanzania (TANESCO) limekwisha tangaza rasmi kuwa Watanzania wataanza kulipia gharama mpya za umeme ambapo wameongeza gharama hizo kwa asilimia 18.5.

Wengi wa Watanzania wametoa tafsiri mbalimbali za kupanda kwa gharama hizo, ingawa Serikali kupitia shirika hilo, imetoa ufafanuzi wake kuwa shirika limekuwa likijiendesha kwa gharama huku likiwa linadai wateja wengi mabilioni ya fedha.

Hata hivyo, madeni ambayo shirika hilo linadai ni kutoka kwenye wizara na tasisi za Serikali, lakini kibaya zaidi wafanyakazi maelfu wa shirika hilo, wamesamehewa na shirika kulipa gharama za matumizi ya umeme.

Mbali na ufafanuzi huo wa shirika, pia hasara nyingine ambayo wananchi watalazimika kuifidia kwenye gharama hizo mpya za umeme ni pamoja na Serikali kuilipa DOWANS zaidi ya sh. bilioni 185 baada ya kuvunja mikataba yao.

Watanzania wamelalamikia kubebeshwa mizigo hiyo kwa kisingizio shirika linajiendesha kwa hasara huku wakihoji, mbona hakuna wananchi wa kawaida wanaodaiwa hata maelfu ya shilingi na badala yake madeni makubwa yako kwa matumizi yenyewe ya shirika na Serikali kwa ujumla.

Ni katika mazingira hayo, Watanzania wameingia mwaka mpya huku wakiendelea kushika tama, kutokana na kuishiwa matumaini waliyoyatarajia mwaka ujao kutokana na kuendelea kwa maumivu ya maisha ya mwaka huu.

Wengi wameshaanza kuweka darini vifaa vyao muhimu vya umeme kama redio, luninga, mbali na majiko ambayo wengi huenda walipewa zawadi kwenye harusi, maana kwa Mtanzania wa kawaida hawezi kupoteza fedha yake kununua jiko la umeme, kwani hata hiyo pasi inatumiwa kwa masharti makubwa na tahadhari kubwa.

Watanzania wanaiomba Serikali yao sikivu kuwa, nishati yoyote duniani ni muhimu kwa maisha na ustawi wa mwanadamu, hivyo kuwepo kwa vikwazo vya matumizi yake, ni kufupisha maisha ya mwanadamu au kuyafanya dhaifu zaidi.

Wameishauri Serikali kutumia njia mbadala ya kupata mapato yake kama vile kuziba mianya ya wakwepa kodi na matumizi yasiyo ya lazima Serikali.

GONJWA LA AJABU LAWAKUMBA WALIMU

2011-01-03T00:03:00.001+03:00

*Waanguka ovyo na kupoteza fahamu
*Wadai kuingiliwa kimwili kimiujiza
*Wengine wajikuta wamelala nje
*Mkuu wa Wilaya apigwa butwaa

WALIMU zaidi ya 12 wa Shule ya Msingi Chindi iliyopo wilayani Mbozi mkoani Mbeya wamekumbwa na ugonjwa wa ajabu unaohusishwa na imani za kishirikina huku wengine wakidhalilishwa kwa kuingiliwa kimwili kimazingara.Kutokana na kuwapo kwa hali hiyo, baadhi ya walimu wameamua kuikimbia shule hiyo kwa kuhofia maisha yao na kusababisha kuwapo kwa upungufu wa walimu.

Wakizungumza kwenye mkutano wa hadhara mbele ya Mkuu wa Wilaya hiyo, Gabriel Kimolo, wananchi wa kijiji cha Chindi ilipo shule hiyo wamedai kuwa endapo hatua za haraka zisipochukuliwa kiwango cha elimu kitashuka.

Wamedai kuwa walimu hao pia wamekuwa wakikumbwa na ugonjwa wa kuanguka na kupoteza fahamu jambo linalodaiwa kufanywa na mmoja wa walimu wastaafu wa shuleni hapo.

“Hii hali inatishia walimu, kwani wamekuwa wakianguka ovyo shuleni na kupoteza
Fahamu, wengine huamka asubuhi na kujikuta wamelala nje ya nyumba zao na wengine hujikuta wameingiliwa kimwili,” alisema Festo Simpito, mkazi mmoja wa kijiji cha Chindi.

Aidha wananchi hao walimuomba mkuu wa wilaya kusaidia kumuhamisha mwalimu wa zamani anayetuhumiwa kuhusika na matukio hayo na kwamba iwapo Mkuu wa Wilaya atachelewa kuchukua hatua hiyo wananchi wataamua kuchukua sheria mkononi na kumuhamisha kwa nguvu mwalimu huyo anayetajwa kuhusika na tuhuma hizo.

Wakati wananchi hao wakiendelea kutoa kilio chao kwa mkuu huyo, ghafla mwalimu mmoja wa kike alianguka chini mithili ya mgonjwa wa kifafa na kuanza kujitupatupa chini kabla ya kupewa msaada na wasamaria wema.

Akithibitisha kupokea kwa wagonjwa hao, mwakilishi wa mganga mkuu wa Wilaya ya Mbozi, Dominic Luvanda, amesema wamepokea watu kumi lakini wanapowafanyia uchunguzi huwa hawaoni ugonjwa wowote.

“Tumepokea wagonjwa wa namna hiyo na tunapowafanyia uchunguzi, lakini vipimo havionyeshi kuwa na ugonjwa wowote, hivyo hatuwezi kuthibitisha kuwa hali hiyo inatokana na imani za kishirikina,” amesema.Naye kiongozi wa mila wa kabila la Unyamwanga, Chifu Chipasya Makandi, alimtaja hadharani mkazi anayehisiwa kuhusika na vitendo hivyo.

Chifu huyo amedai kuwa awali aliwahi kutoa ushauri wa kuhamishwa kwa mwalimu huyo kutokana na kukithiri kwa vitendo vya kishirikiana.Hata hivyo, imedaiwa kuwa kutokana na kuwapo kwa vitendo hivyo idadi ya wanafunzi wanaohudhuria imezidi kupungua ambapo makundi ya wanafunzi katika kijiji hicho wameonekana wakizurura mitaani bila kuhudhuria shuleni.

Kimolo aliwataka wananchi hao kuwa na subira katika kipindi hiki ambapo pia aliamua kuitisha mkutano mwingine mkubwa Januari 5, mwakani utakaohusisha pia viongozi wa madhehebu mbalimbali wa kidini na mila ili kuombea kijiji hicho na shule hiyo irejee katika hali yake ya kawaida.